ශ්‍රියානි විජේසිංහ –
උතුරුමැද, ඇතුළු ප්‍රදේශ කීපයක පැතිර ගිය හඳුනානොගත් වකුගඩු රෝගයට වල් පැලෑටි නාශයක් සේ ගැනෙන ග්ලයිෆොසේට් හේතුවක් වී ඇති බව ට මෙරට හෝ ජාත්‍යන්තරව මෙතෙක් කිසිදු පර්යේෂණයක් මගින් හෙළිව නොමැති බව වකුගඩු රෝග පිලිබඳව විශේෂඥ වෛද්‍ය අනුර හේවාගීගනගේ සඳහන් කරයි.
වකුගඩු රෝග විශේෂඥ වෛද්‍යවරුන් වාර්ෂිකව වකුගඩු රෝගයන් සම්බන්ධයෙන් සිය පර්යේෂණ දත්ත වාර්තාවන් ඉදිරිපත් කරන නමුත් ඒ කිසිදු වාර්තාවක මේ වන තෙක් වකුගඩු රෝගයන්ට ග්ලයිෆොසෙට් හේතුවක් වී ඇති බවට හෙලිකර නැතැයි විශේෂඥවරයා සඳහන් කරයි.
වකුගඩු මාසය ලෙස මාර්තු මාසය නම් කර ඇති බැවින් වගකුඩු රෝගයෙන් ආරක්ෂා වීම සහ වකුගඩු රෝගීන්ට ප්‍රතිකාර කරන අන්දම පිලිබදව දැනුවත් කරමින් කොළඹදී පැවතී මාධ්‍යා හමුවදී ඔහු මේ බව සඳහන් කළේය.
