ශ්රියානි විජේසිංහ –
රජයේ රෝහල්වල මේ වන විට උග්ර ඖෂධ හිඟයක් පවතින බැවින් රෝගීන්ගේ ජීවිත අනතුරකට පත්ව ඇතැයි වාර්තාවේ.
හෘද ක්රියාකාරිත්වය අඩපණ වූ රෝගීන් ලබා දෙන මුත්රකාරක ඖෂධයක් වන ෆුරොසමයිඩ්( Furosemide) එන්නත නොමැති වීමෙන් රෝගීන්ගේ ජීවිත දැඩි අනතුරකට පත්ව ඇතැයි රෝහල් ආරංචි මාර්ග සදහන් කරයි. මෙම ඖෂධය අධි රුධිර පීඩනය, හෘදයාබාධ හා ශරීරයේ තරලය එකතු වීම සඳහා ප්රතිකාර කිරීමටත්, වකුගඩු නිසි ලෙස ක්රියා නොකරන විට මුත්රා පහ කරවීමටත් භාවිතා කරන ඖධයකි.
මෙම ඖෂධය පෙති වශයෙන් රෝගීන්ට ලබා දීම මේ වන විටත් වෛද්යවරුන් සිදුකරනුයේ වෙනත් විකල්පයක් නොමැති වීමෙන් බවත් එය එන්නත් මාර්ගයෙන් ලබාදෙනවාට වඩා ප්රතිපලයන් ලබා ගැනීමට කාලයක් ගතවිම රෝගීන්ගේ ජීවිත දැඩි අනතුරකට පත්වන්නක් බවත් වෛද්යවරු පෙන්වාදෙති.
තවද දියවැඩියා රෝගීන්ට ලබාදෙන ටොල්බියුටිමයිඩ් (Tolbutamide) ඖෂධය රෝහලවල නොමැති වීමෙන් දියවැඩියා රෝගීන්ගේ ජිවිත අනතුරකට පත්ව ඇතැයි වාර්තාවේ.
මෙම ඖෂධය රෝහල්වල තබා පිටතින් හෝ රෝගීන්ට මිලදී ගැනීමට නොමැති වීමෙන් දියවැඩියා රෝගින් දැඩි අපහසුවකට පත්ව ඇතැයි සෞඛ්ය අංශ පවසයි.
ජාතික රෝහලේ ඇතැම් වාට්ටුවල තුවාලවලට දමන ඇතැම් බෙහෙත් වර්ග සහ ගෝස් පවා නොමැති අවස්ථාවන් වාර්තා වන බැවින් තුවාල ඇති රෝගීන්ට දින ගණනක් තුවාල වලට බෙහෙත් දමා ගැනීමට නොහැකිව වේදනාවෙන් පසුවන බවද රෝහල් ආරංචි මාර්ග කියයි.
