සෞඛ්‍ය අමාත්‍යාංශය යටතේ පවතින සියලුම ආයතන ප්‍රධානීන් වෙනස් කිරීමට නව සෞඛ්‍ය අමාත්‍ය රමේෂ් පතිරණ තීරණය කර ඇති බව ආරංචි මාර්ග පවසයි.
ඒ අනුව ජාතික ඖෂධ නියාමන අධිකාරියේ (NMRA) අධ්‍යක්ෂ මණ්ඩලය ඉදිරි දිනවලදී විසුරුවා හැරීමට නියමිතය. ජාතික ඖෂධ නියාමන අධිකාරිය සඳහා නව සභාපතිවරයෙකු සහ අධ්‍යක්ෂ මණ්ඩලයක් පත් කිරීමට නියමිත බව ආරංචි මාර්ග පවසයි.
රාජ්‍ය ඖෂධ නීතිගත සංස්ථාවට (SPC) නව ප්‍රධානියෙකු පත් කිරීමට නියමිත අතර තවත් ඉහළ තනතුරු කිහිපයක් ද වෙනස් කිරීමට නියමිතය.
බාල ප්‍රමිතියෙන් යුත් ඖෂධ ලබා ගැනීම, ටෙන්ඩර් පටිපාටිය උල්ලංඝනය කිරීම් සහ විෂමතා සම්බන්ධයෙන් වගකිව යුතු යැයි පැවසෙන පුද්ගලයන් එම තනතුරුවලින් ඉවත් කිරීමට නියමිත බවද වාර්තා විය.
අමාත්‍ය මණ්ඩල සංශෝධනයෙන් පසු රමේෂ් පතිරණ අමාත්‍යවරයා පසුගියදා සෞඛ්‍ය අමාත්‍යාංශයේදී වැඩ භාර ගත්තේය.
