ශ්රියානි විජේසිංහ –
සමස්ථ සෞඛ්ය කාර්යය මණ්ඩලය සාමාජිකයින්ගේ ආරක්ෂාව තහවුරු කිරිමේ විශේෂ වැඩපිළිවෙළක් ආරම්භ කිරීමට සෞඛ්ය අමාත්යංශය පියවර ගනිමින් සිටින බව වාර්තාවේ.
අනුරාධපුර ශික්ෂණ රෝහලේ වෛද්යවරියක් අමානුෂික අන්දමින් දූෂණයට ලක්කිරීමේ සිද්ධිය සම්බන්ධයෙන් සමස්ථ සෞඛ්ය කාර්යය මණ්ඩල සාමාජිකාවන්ගේ ආරක්ෂාව තහවුරු කළ යුතු බව සියලුම සෞඛ්ය වෘත්තිකයින්ගේ ඉල්ලීම වී ඇත.
මෙම ඉල්ලිම සලකා බැලූ සෞඛ්ය ඇමති වෛද්ය නලීන්ද ජයතිස්ස සාමාජිකාවන්ගේ ආරක්ෂාව තහවුරු කිරිමේ විශේෂ වැඩපිළිවෙළක් ආරම්භ කිරීමට වෘත්තිය සමිති සමඟ සාකච්ඡාව කිරීමටද තීරණය කර ඇතැයි වාර්තාවේ.
කෙසේ නමුත් සෞඛ්ය කාර්යය මණ්ඩල සාමාජිකාවන්ට හිමිව තිබෙන නේවාසිකාගාරයන් පිළිබඳව පැහැදිලි විස්තර සෞඛ්ය අමාත්යංශය සතුව නොමැති බැවින් ඒ පිලිබඳව වහාම සොයා බැලීමට ඉදිරි දින කීපය තුළදී කටයුතු කර එම දත්තතයන් මත අවශ්ය ආරක්ෂිත නේවාසිකාගාර පහසුකම් සැලසීමට කටයුතු කරන බව සෞඛ්ය අමාත්යංශයේ ප්රකාශකයෙකු පැවසුවේය.
