මහාචාර්ය සුනිල් ආරියරත්න මහතා ලෙස ව්‍යාජව පෙනී සිටි පුද්ගලයකු විසින් රංගන ශිල්පිනියකට ඔහු විසින් නිෂ්පාදනය කරනු ලබන චිත්‍රපටයක ප්‍රධාන චරිතය රඟපෑමට සහ එහි ලිංගික දර්ශන රඟදැක්වීමට පැමිණෙන ලෙස ජනප්‍රිය නිළියකට ආරාධනා කළ අයකුට ආධාර අනුබල දුන් පුද්ගලයකු පොලිස් අත්අඩංගුවට ගෙන තිබේ.
ලිංගික දර්ශනවල රඟපෑම පිළිබඳව එම නිළියගෙන් ප්‍රශ්න කිරීම ද කර ඇති සැකකරු අත්අඩංගුවට ගෙන ගාල්ල මහේස්ත්‍රාත් හමුවට ඉදිරිපත් කිරීමෙන් පසු ජූලි 01 දක්වා රක්ෂිත බන්ධනාගාරගත කර තිබේ.
සැකකරු බෙන්තොට ගෝනගල්පුර ප්‍රදේශයේ පදිංචි වත්තෝරු තන්තිරිගේ රවින්ද්‍ර (47) නමැති සහකාර චිත්‍රපට අධ්‍යක්ෂවරයෙකි.
නිළියගෙන් ලැබුණු පැමිණිල්ලක් සම්බන්ධයෙන් පරීක්ෂණ අතරතුරදී සැකකරු අත්අඩංගුවට ගත් බවත් ප්‍රධාන සැකකරු අත්අඩංගුවට ගැනීම සඳහා වැඩිදුර පරීක්ෂණ පවත්වන බවත් පොලිසිය අධිකරණයට දැනුම් දුන්නේය.
සැකකරු නිළියට පවසා ඇත්තේ චරිතය සඳහා රුපියල් මිලියන 2 ක් ගෙවන බව ය. සැකකරු ලිංගික ක්‍රියාකාරකම් පිළිබඳව ඇයගෙන් ප්‍රශ්න කර ඇත්තේ ඉන් පසුවය.
සිද්ධිය සම්බන්ධයෙන් ප්‍රකාශයක් කළ මහාචාර්ය සුනිල් ආරියරත්න මහතා විධිමත් පරීක්ෂණයක් පවත්වා වැරදිකරුවන්ට නඩු පවරන ලෙස පොලිසියෙන් ඉල්ලා සිටි බව පොලිසිය ප්‍රකාශ කරයි.
සැකකරුගේ දුරකථන සංවාද පිළිබඳ තොරතුරු ලබා දෙන ලෙස මහේස්ත්‍රාත්වරයා අදාළ විදුලි සංදේශ සමාගම්වලට නියෝග කළේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
සැකකරුවන්ගේ ඇප ඉල්ලීම ප්‍රතික්ෂේප කළ මහේස්ත්‍රාත්වරයා සැකකරු ජූලි 01 දක්වා රිමාන්ඩ් කර නඩුව කල් දැමීය.