සිවුරු පෙරවාගෙන හිමිනමක් සේ වෙස්වලා පැමිණ දළදා වඳින්නට උත්සාහ කළ කිරිඳිවැල ප්රදේශයේ පාසලක 12 වසරේ අධ්යාපනය ලබන 17 හැවිරිදි සිසුවෙක් ඊයේ 923) පොලිස් අත් අඩංගුවට ගෙන තිබේ.
භික්ෂු වෙස් ගත් මෙම සිසුවා ප්රධාන ගේට්ටුවෙන් මාළිගාවට ඇතුළුවන්නට උත්සාහ කර ඇති බවත් භික්ෂූන්වහන්සේ දළදා වන්දනාවට එන ක්රමවේදයක් ඇති බැවින් ඔහු හුදකලාව පැමිණීම ගැන සැක සිතූ ආරක්ෂක අංශ ඔහුගෙන් ප්රශ්න කර තිබේ.
පන්සල විමසූ විට පන්සලක් සඳහන් කළ සිවුර ඇඳ ඇති ආකාරය සහ හැසිරීම සම්බන්ධව සැකසිතූ පොලිසය ඔහුගෙන් වැඩිදුර ප්රශ්න කරනවිට මේ සිසුවා ව්යාජ ලෙස සිවුරක් පොරවාගෙන පැමිණ ඇත්තේ පෝලිමේ නොසිට දළදා වඳින්නට බව ප්රකාශ කර ඇත.
එමෙන්ම ඔහු හත්වැනි වියෙහි දී, එනම් 2016 දී ටික කලක් පන්සලක මහණ වී සිට ඇති බව ද හෙළි වී ඇත. අත් අඩංගුවට ගත් සිසුවා අද අධිකරණයට ඉදිරිපත් කිරීමට නියමිතය.
