ආරක්ෂක අමාත්යාංශය යටතේ පැවති සිවිල් ආරක්ෂක දෙපාර්තමේන්තුව මහජන ආරක්ෂක අමාත්යාංශය යටතට පත් කර තිබේ.
මෙම වෙනස්කම සිදුකර ඇත්තේ පසුගිය දා සිදුවුන අමාත්ය මණ්ඩල සංශෝධනයට අදාලව නව විෂය පථ ගැසට් කරමිනි.
පසුගිය සෙනසුරාදා දිනැතිව ජනාධිපති අනුර කුමාර දිසානායකගේ අත්සනින් යුතුව නිකුත් කළ එම ගැසට් නිවේදනයට අනුව ජාතික ජල ශාස්ත්රීය සභාව සහ ශ්රී ලංකා ජාතික ජල ශාස්ත්රීය කාර්යාලය ආරක්ෂක අමාත්යාංශය යටතට පත් කර තිබේ.
අධිකරණ සහ ජාතික ඒකාබද්ධතා අමාත්යාංශය යටතේ පැවති පුනරුත්ථාපන කාර්යාලය මහජන ආරක්ෂාක අමාත්යාංශය යටතට ගෙන ඇත.
පසුගිය දා පාර්ලිමේන්තුවේ දී සම්මත වු සූදු නියාමන අධිකාරී පනත යටතේ ස්ථාපනය කෙරුණ නව අධිකාරිය මුදල් ක්රමසම්පාදන සහ ආර්ථික කටයුතු අමාත්යාංශය යටතට පත් කර තිබේ.
විදුලි බල මණ්ඩලය ප්රතිව්යුහගත කරමින් ස්ථාපනය කළ නව සමාගම් 04 බලශක්ති අමාත්යාංශය යටතට පත් කර ඇත.
එමෙන්ම මෙම විෂය පථ සංශෝධනයට අනුව මර්ගගත ක්රමවල සුරක්ෂිතභාවය පිළිබඳ පනත ක්රියාත්මක කිරීමේ බලතල ඩිජිටල් ආර්ථික අමාත්යාංශය යටතට පත් කර තිබේ. එම අමාත්යාංශය පවතින්නේ ජානාධිපතිවරයා යටතේය.
මෙතෙක් මුදල් අමාත්යාංශය යටතේ පවැති ශ්රී ලංකන් එයාර්ලයින් සහ පරිපාලිත සමාගම් වරාය සිවිල් ගුවන්සේවා අමාත්යාංශය යටතට ගෙන ගෙන තිබේ.
