සිංහල සිනමා වංශ කතාවේ ප්රකට සටන් නළුවකු වන විල්සන් කරුණාරත්න හෙවත් විල්සන් කරූ අද සිය දිවි සැරියෙන් සමුගත්තේය. මිය යනවිට ඔහු 79 වැනි වියේ පසුවූයේය.
වර්ෂ 1942 ඔක්තෝබර් 28 වැනි දින කොළඹ දී උපත ලද විල්සන් කරුණාරත්න හදවත් නැත්තෝ චිත්රපටයේ රඟපාමින් සිය සිනමා දිවිය ආරම්භ කරන්නේ 1974 වර්ෂයේදී ය.
දශක පහක සිනමා දිවිය තුළ චිත්රපට 250කට වැඩි සංඛ්යාවකට රංගනයෙන් දායක වූ වින්සන් කරුගේ අවසන් සිනමා කෘතිය වන්නේ වර්ෂ 2019 දී තිරගත වූ තිත්ත ඇත්ත චිත්රපටය ය.
ඔහු ජීවිතයේ අවසන් කාලය ගෙවූයේ බොහෝ දුර්ග කම්කටොලු හුදකලාවන් මධ්යයේය. පසුගිය කොවිඩ් වසංගතය සමයේ දී රුපියල් පන්දහසක ආධාර මුදලක් ලබා ගැනීමට ගිය ඔහු සෞඛ්ය නීති කඩකිරීම චෝදනා මත අත්අඩංගුවට ගෙන බන්ධනාගාරගත කළ සිදුවීමක් වාර්තා විය.
2021 වසරේ මාර්තු මාසයේ දී සිය නිවස තුළ ඇද වැටීම නිසා බරපතළ ලෙස රෝගාතුර වූ විල්සන් කරුණාරත්න, කොළඹ ජාතික රෝහලේ මාස ගණනාවක් නේවාසික ව ප්රතිකාර ගත්තේය. මිය යනවිට ඔහු සිටියේ රෝගාතුරවය.
ඔහුගේ අවසන් කටයුතු ඉදිරියේ දී දැනුම් දීමට නියමිතය
