දෙදින නිල සංචාරයකින් අනතුරුව ජාත්යාන්තර මූල්ය අරමුදලේ නියෝජිත කණ්ඩායම හා ශ්රී ලංකා රජය අතර පැවති සාකච්ඡා වාරය නිමා කරමින් ශ්රී ලංකා රජය සමග සාර්ථක සාකච්ඡා වාරයක් නිමා කළ බවට ජාත්යාන්තර මූල්ය අරමුදල නිවේදනය කළේය.
ඒ පිළිබඳ නිල වශයෙන් දන්වමින් සංචාරය අවසානයේ ජාත්යාන්තර මූල්ය අරමුදලේ ආසියා ශාන්තිකර කලාපීය දෙපාර්තමේන්තුවේ අධ්යක්ෂ ක්රිෂ්ණා ශ්රීනිවාසන් ප්රකාශයක් නිකුත් කරමින් පැවසුවේ ප්රතිසංස්කරණ සඳහා ශ්රී ලංකා රජයේ කැපවීම තමන්ව දිරිමත් කරන බවත්, ජාත්යන්තර මූල්ය අරමුදලේ අනුග්රහය ලබන වැඩසටහනේ තුන්වන සමාලෝචනය සඳහා දිනයක් නියම කිරීම සඳහා IMF කණ්ඩායම ශ්රී ලංකාවේ ආර්ථික කණ්ඩායම සමඟ සිය සමීප සබඳතාව දිගටම පවත්වාගෙන යන බවත්ය.
ආසියා ශාන්තිකර කලාපීය දෙපාර්තමේන්තුවේ අධ්යක්ෂ ක්රිෂ්ණා ශ්රීනිවාසන් නිකුත් කළ නිල ප්රකාශය පහත දැක්වේ.
“ශ්රී ලංකා ආර්ථිකය මුහුණ දෙන ආර්ථික හා මූල්ය අභියෝග පිළිබඳව අපි ජනාධිපති දිසානායක සහ ශ්රී ලංකාවේ ආර්ථික කණ්ඩායම සමඟ ඵලදායී සාකච්ඡා පැවැත්වූයෙමු. 2022 දී ශ්රී ලංකාව එහි දරුණුතම ආර්ථික අර්බුදවලින් එකකට ඇතුළු වීමෙන් පසු ශ්රී ලංකාව ආර්ථික ප්රකෘතිමත් වීමේ මාවතකට ගෙන ඒමට ඉවහල් වූ දුෂ්කර ජයග්රහණ තවදුරටත් ආරක්ෂා කර ගැනීම සහ ගොඩ නැගීමේ වැදගත්කම පිළිබඳව අපි එකඟ වූවෙමු.”
“ප්රතිසංස්කරණ ප්රයත්නයන් දිගටම කරගෙන යාමට බලධාරීන්ගේ කැපවීම අපව දිරිමත් කරයි. ජාත්යන්තර මූල්ය අරමුදල ශ්රී ලංකාවට සහ එහි ජනතාවට සහය දැක්වීමේ ස්ථීර හවුල්කරුවෙකු වන අතර රටේ ආර්ථික ප්රතිසංස්කරණ ඉලක්ක සපුරා ගැනීමට සහාය වීමට සූදානමින් සිටී. ජාත්යන්තර මූල්ය අරමුදලේ අනුග්රහය ලබන වැඩසටහනේ තුන්වන සමාලෝචනය සඳහා දිනයක් නියම කිරීම සඳහා IMF කණ්ඩායම ශ්රී ලංකාවේ ආර්ථික කණ්ඩායම සමඟ සිය සමීප සබඳතාව දිගටම පවත්වාගෙන යනු ඇත.”
