කපිල කේ හීනටියන –
-
එසේ වුවහොත් ඉරානය තමන්ව ආරක්ෂා කර ගැනීමට පෙර නොවූ විරූ ලෙස ප්රතිචාර දක්වනු ඇත… ඉරානය හැරෙන තැපෑලෙන් ට්රම්ට කියයි
න්යෂ්ටික අවි සම්බන්ධයෙන් එකඟතාවයකට පැමිණීම සඳහා වහාම සාකච්ඡා මේසයට පැමිණෙන ලෙස අමෙරිකානු ජනාධිපති ඩොනල්ඩ් ට්රම්ප් අද (28) ඉරානයෙන් ඉල්ලා සිටියේය. එසේ නොවුවහොත් මීළඟ අමෙරිකානු ප්රහාරය මීට වඩා බෙහෙවින් දරුණු වනු ඇති බවට ඔහු අනතුරු ඇඟවූයේය.
ඇමරිකාව එවැනි පියවරක් ගතහොත් පෙර නොවූ විරූ අයුරින් පෙරළා පහර දෙන බවට ටෙහෙරානය ඇමරිකාවට ප්රති උත්තර ලබා දුන්නේය. ඒ ඇමරිකාවේ ටෙහෙරානයට අනතුරු අඟවා නොබෝ වේලාවකිනි.
“ඉරානය ඉක්මනින් ‘සාකච්ඡා මේසයට’ පැමිණ සාධාරණ ගනුදෙනුවක් කරා එළඹෙනු ඇතැයි බලාපොරොත්තු වෙමි – න්යෂ්ටික අවි නැත – එය සියලු පාර්ශවයන්ට යහපත් වනු ඇත. කාලය වේගයෙන් ගෙවී යමින් පවතී, එය සැබවින්ම අතිශය වැදගත් වේ!” යනුවෙන් ට්රම්ප් සමාජ මාධ්ය සටහනක සඳහන් කර තිබුණි.
සිය ප්රථම ධුර කාලය තුළදී ලෝක බලවතුන් 2015 දී ටෙහෙරානය සමඟ ඇති කරගත් න්යෂ්ටික ගිවිසුමෙන් ඉවත් වූ රිපබ්ලිකන් ජනාධිපතිවරයා, ඉරානයට එල්ල කළ සිය අවසන් අනතුරු ඇඟවීමෙන් පසුව ජුනි මාසයේදී එල්ල කළ මිලිටරි ප්රහාරය ගැනත් සිහිපත් කළේය.
“මීළඟ ප්රහාරය මීට වඩා බෙහෙවින් දරුණු වනු ඇත! එය නැවත සිදුවීමට ඉඩ නොතබන්න,” ට්රම්ප් ලියා තිබුණි. තවද එක්සත් ජනපද “නාවික බලඇණියක්” (Armada) ඉරානය දෙසට ගමන් කරමින් සිටින බවද ඔහු යළිත් අවධාරණය කළේය.
එක්සත් ජාතීන්ගේ සංවිධානයේ ඉරාන දූත මණ්ඩලය මෙයට සමාන ප්රතිචාරයක් දැක්වීය.
“පසුගිය වතාවේ එක්සත් ජනපදය ඇෆ්ගනිස්ථානයේ සහ ඉරාකයේ යුද්ධවලට පැටලීමෙන් ඩොලර් ට්රිලියන 7 කට වඩා නාස්ති කළ අතර ඇමරිකානු ජීවිත 7,000 කට වඩා අහිමි කරගත්තේය,” යනුවෙන් ට්රම්ප්ගේ ප්රකාශය උපුටා දක්වමින් ඔවුන් ‘X’ පණිවිඩයක් නිකුත් කර තිබුණි.
“අන්යෝන්ය ගෞරවය සහ අවශ්යතා මත පදනම් වූ සංවාදයකට ඉරානය සූදානම් – නමුත් අපව තෙරපීමට (Push) ලක් වුවහොත්, ඉරානය තමන්ව ආරක්ෂා කර ගන්නා අතර පෙර නොවූ විරූ ලෙස ප්රතිචාර දක්වනු ඇත!”
ඉරාන විදේශ අමාත්ය අබ්බාස් අරක්චි පවසා ඇත්තේ මෑත දිනවලදී තමා එක්සත් ජනපද විශේෂ නියෝජිත ස්ටීව් විට්කොෆ් සමඟ සම්බන්ධ නොවූ බවත්, සාකච්ඡා ඉල්ලා නොමැති බවත්ය.
එක්සත් ජනපදයේ ‘USS Abraham Lincoln’ ගුවන් යානා ප්රවාහන නෞකාව ප්රමුඛ නාවික බලඇණියක් ඉරානය දෙසට පැමිණෙමින් පවතින බව ට්රම්ප් ප්රකාශ කළේය. ලින්කන් නෞකාව සහ සහායක යුද නෞකා මැද පෙරදිගට පැමිණ ඇති බව එක්සත් ජනපද නිලධාරීන් දෙදෙනෙකු සඳහන් කර තිබේ.
ඉරානයේ පාලන අධිකාරිය විසින් මෑත සතිවලදී එරට පැවති විරෝධතා ලේ වැකි මර්දනයකට ලක් කිරීමෙන් පසු එක්සත් ජනපද-ඉරාන ආතතිය උත්සන්න විය. ඉරානය දිගින් දිගටම විරෝධතාකරුවන් ඝාතනය කරන්නේ නම් තමා මැදිහත් වන බවට ට්රම්ප් නැවත නැවතත් තර්ජනය කර ඇතත්, ආර්ථික පීඩනයන් සහ දේශපාලන මර්දනයට එරෙහිව පැවති රටපුරා විරෝධතා දැන් තරමක් සමනය වී ඇත.
පසුගිය ජුනි මාසයේදී ඊශ්රායල සහ එක්සත් ජනපද හමුදා විසින් ප්රධාන න්යෂ්ටික ස්ථාපිතයන්ට එල්ල කළ ගුවන් ප්රහාරවලින් පසුව ටෙහෙරානය සිය න්යෂ්ටික වැඩසටහන නැවත ආරම්භ කළහොත් එක්සත් ජනපදය පියවර ගන්නා බවද ඔහු පවසා තිබේ.
