දිනසේන රතුගමගේ –
ස්විස්ටර්ලන්තයේ සිට නිවාඩුවකට පැමිණි දෙමළ වැසියෙකු වවුනියාව සීන්නඅඩම්පන් ප්රදේශයේ නිවසක මරා දමා සිටියදී පොලීසිය ඔහුගේ මළ සිරුර ඊයේ ( 26 ) සවස සොයාගෙන තිබේ.
සෙල්වතුරෙයි විමලනාදන් නැමති 65 හැවිරිදි මෙම පුද්ගලයා නිවාඩුවකට පැමිණ සිටියදී සවස් කාලයේ සාදයක් සදහා ඔහුගේ මිතුරෙකුගේ නිවසකට ආරාධනයක් ලැබී ඇත.
ඔහු එහි ගොස් තවත් කිප දෙනෙකු සමග මත්පැන් පානය කරමින් සිටියදී ඇතිවූ යම් සිද්ධියක් මත යකඩ පොල්ලකින් ඔහුගේ හිසට පහර දී ඝාතනය කොට ඇතැයි විමර්ශන අංශ කියයි.
සාදයට ගිය පුද්ගලයා නිවසට නොපැමිණීම නිසා ඒ සම්බන්ධයෙන් කනගරායන්කුලම පොලීසියට ඥාතීන් විසින් කරණ ලද පැමිණිල්ලක් අනුව පොලීසිය සිදු කළ විමර්ශනයකදී මළ සිරුර හමු වී තිබේ.
පසුව පොලීසිය එම නිවසේ ජීවත් වූ හැට හැවිරිදි පුද්ගලයෙකු අත් අඩංගුවට ගෙන ඔහුගෙන් ප්රශ්න කරගෙන යයි.
පොලීසිය සැකකරණු ලබන්නේ ස්විස්ටර්ලන්තයේ සිට පැමිණි පුද්ගලයාගේ මුදල්, ස්වර්ණාභරණ හා දේපල කොල්ල කෑම සදහා ඒ ඝාතනය සිදු කරන්නට ඇති බවයි.
කනගරායන්කුලම පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
