-
මාස දෙකකින් රසායනික පොහොර සුලබයි… පොහොර ලේකම් කාර්යාලය කියයි!
-
“එතකොට පෙරහැර ගිහින්…“ ගොවියෝ කියති!
රසායනික පොහොර ආනයනයට සමාගම් 12කට අනුමැතිය ලබා දුන් බවත් ඔවුන් විසින් මිශ්‍ර පොහොර සහ යූරියා ගෙන්වනු ඇති බවත් පොහොර ලේකම් කාර්යාලයේ අධ්‍යක්ෂ චන්දන ලොකුහේවා පවසයි.
ඒ අනුව තව දෙමසක් ගතවන විට වෙළෙඳපලේ රසායනික පොහොර සුලබ වනු ඇතැයි ඔහු විශ්වාසය පල කළේය.
පළතුරු ඇතුළු ඇතුරු භෝග සඳහාද මෙම පොහොර භාවිත කළ හැකිබව පොහොර ලේකම් කාර්යාලයේ අධ්‍යක්ෂවරයා පැවසීය. .
දැනටමත් එන්පීකේ මෙට්‍රික් ටෝන් දෙදාහක් රටට ගෙනත් ගෙන්වා ඇති බවත්, යූරියා මෙට්‍රික් ටොන් 1500ක් ලඟදීම රටට ගෙනෙන්නට නියමිත බවත් පැවසූ අධ්‍යක්ෂවරයා ප්‍රකාශ කළේ මේ කිසිම පොහොර වර්ගයක් වෙනුවෙන් රජයේ සහනාධාර නොලැබෙන බවය.
කෙසේ වෙතත් තව මාස දෙකකින් එන පොහොර විනාශ වී ඇති මහකන්නයේ වගාවට කිසිසේත්ම වැඩක් නොවන බව කෘෂි විද්වත්හු කියති.
ඔවුන් පවසන්නේ මේ වනවිට මහ කන්නයේ වගාවට සිදුවිය යුතු හානිය සිදුවී හමාර බවය.
