හැටන් රංජිත් රාජපක්ෂ –
පසුගිය සති අන්ත නිවාඩුවට විවිධ මත්ද්රව්ය රැගෙන ශ්රි පාද වන්දනාවේ පැමිණි 25 දෙනෙකු පමණ සැකපිට අත්අඩංගුවට ගෙන හැටන් මහෙස්ත්රාත් අධිකරණය වෙත ඉදිරිපත් කර තිබේ.
සැකකරුවන් වරද පිලිගත් නිසා චුදිතයන් වෙත මහෙස්ත්රාත්වරයා දඩ මුදල් නියම කර ඇති බව හැටන් කොට්ඨාස භාර පොලිස් අධිකාරි ප්රදිප් වීරසේකර කියා සිටියේය.
හැටන් මාර්ගය ඔස්සේ ශ්රි පාදය නගින්නට පැමිණෙද්දී නල්ලතන්නිය දක්වා මත්ද්රව්ය රැගෙන පැමිණෙන පිරිස් අත්අඩංගුවට ගැනිමට හැටන් කොට්ඨාස නිල සුනඛ අංශයේ සුනඛයන්ගේද සහය ඇතිව පොලිස් මාර්ග බාධක යොදා සොදිසි මෙහෙයුම් සිදු කල බවත්, එම සොදිසි මෙහෙයුම් වලදි ගංජා, මදන මෝදක ගුලි, මත්පෙති, අයිස් ඇතුළු මත්ද්රව්ය සන්තකයේ තබාගෙන සිටි අවු 25-35 වයස් කාණ්ඩවල පසුවන සැකකරුවන් පිරිසක් මෙසේ අත්අඩංගුවට ගෙන අධිකරණය වෙත ඉදිරිපත් කළ බවත් පොලිසිය කියයි.
ශ්රි පාද වන්දනා සමය අවසන් වන තෙක් මෙම සොදිසි මෙහෙයුම් අඛණ්ඩව පවත්වාගෙන යන බවත්, ශ්රි පාද වන්දනාවේ පැමිණෙන විට මත්ද්රව්ය රැගෙන නොයෙන ලෙස පොලිස් අධිකාරිවරයා වන්දනාවරුන්ගෙන් ඉල්ලා සිටී.
