ශ්රේෂ්ඨාධිකරණයේ තීන්දු වෙනත් කිසිදු කණ්ඩායමකට අවලංගු කළ නොහැකි බවත්, එසේ කිරීමට අග්රාමාත්යවරයාට හෝ කථානායකවරයාටවත් හැකියාවක් නොමැති බවත් ශ්රී ලංකා නීතිඥ සංගමය නිවේදනය කළේය.
නිවේදනයක් නිකුත් කරමින් ශ්රි ලංකා නීතිඥ සංගමය ප්රකාශ කළේ පොලිස්පති දේශබන්දු තෙන්නකෝන් පත්කිරීම සම්බන්ධයෙන් ශ්රේෂ්ඨාධිකරණය ලබාදී ඇති අතුරු තීන්දු හෑල්ලුවට ලක්කිරීමට රජය දරන උත්සාහය දැඩි ලෙස හෙළා දකින බවය.
ජනාධිපතිවරයා විසින් ඉදිරිපත් කරන ලද සහ ආණ්ඩුක්රම ව්යවස්ථා සභාව විසින් අනුමත කරන ලද නාමයෝජනා අභියෝගයට ලක් කිරීමට ශ්රේෂ්ඨාධිකරණයට බලයක් නොමැති බවට වන තර්කය ශ්රී ලංකා නිතිඥ සංගමය ප්රතික්ෂේප කළේය.
ආණ්ඩුක්රම ව්යවස්ථා සභාවේ තීරණ ආණ්ඩුක්රම ව්යවස්ථාවේ 41 ජේ ව්යවස්ථාව ප්රකාරව ශ්රේෂ්ඨාධිකරණයේ මූලික අයිතිවාසිකම් අධිකරණ බල ප්රදේශයට අයත් වන බව නීතිඥ සංගමය අවධාරනයෙන් තහවුරු කර පෙන්වා දී තිබේ. .
ආණ්ඩුක්රම ව්යවස්ථාවේ 19 වැනි සංශෝධනයෙන් පසුව ආණ්ඩුක්රම ව්යවස්ථාවේ 35 වැනි ව්යවස්ථාව අනුව , යුද්ධය සහ සාමය ප්රකාශ කිරීම හැර ජනාධිපතිවරයාගේ බලතල ශ්රේෂ්ඨාධිකරණයේ මූලික අයිතිවාසිකම් අධිකරණ බලයට යටත් වන බව නීතිඥ සංගමය ප්රකාශ කර සිටී.
නීතිඥ සංගමය පැහැදිලිව පෙන්වා දෙන්නේ මීට පෙර ශ්රේෂ්ඨාධිකරණය විසින් ජනාධිපතිවරයාගේ සමාව දීම අවලංගු කිරීම, පාර්ලිමේන්තුව විසුරුවා හැරීම අවලංගු කිරීම සහ පාස්කු ඉරිදා බෝම්බ ප්රහාරයේදී එම ධුරයේ සිටි ජනාධිපතිවරයාට එරෙහිව කටයුතු කිරීම සිදුකළේ ඉහත කී බලතල මත පිහිටමින් බවය.
නීතිපතිවරයා සහ පොලිස්පති දේශබන්දු තෙන්නකෝන්ගේ නීතිඥවරුන් ඇතුළු සියලු පාර්ශ්වයන්ගේ නීතිඥවරුන් විසින් ඉදිරිපත් කරන තර්ක සලකා බලා විභාග කර ඉදිරියට යාමට අවසර දෙමින් ශ්රේෂ්ඨාධිකරණ ත්රිපුද්ගල විනිසුරු මඩුල්ලක් විසින් සිය නියෝගය ලබා දුන් බවත් එම නඩුකරයේ අවසන් නිශ්චය කරන තුරු පොලිස්පතිවරයාගේ රාජකාරි, රාජකාරි සහ බලතල ක්රියාත්මක කිරීම දේශබන්දු තෙන්නකෝන්ට තහනම් කරමින් අධිකරණය අතුරු නියෝගයක් ද නිකුත් කළ බව නීතිඥ සංගමය පෙන්වා දී ඇත.
නීතිපතිවරයා ඇතුළු සියලුම පාර්ශ්වයන්ගේ එකඟතාව මත එම නඩු කරය 2024.11.11 දින විභාගයට ගැනීමට නියම කර තිබුණි.
ශ්රී ලංකා නීතිඥ සංගමයේ ලේකම් චතුර ගල්හේන ගේ අත්සන සහිතව එම සංගමය නිකුත් කළ නිවේදනයේ අවධාරණය කරන්නේ ශ්රේෂ්ඨාධිකරණය ඇතුළු ශ්රී ලංකාවේ අධිකරණය කෙරෙහි පූර්ණ විශ්වාසය පළ කරන බවත්, මෙම තීරණාත්මක මොහොතේ අධිකරණයේ අඛණ්ඩතාව ආරක්ෂා කර ගැනීම සහතික කිරීම සඳහා අධිකරණය වෙනුවෙන් ශ්රී ලංකා නීතිඥ සංගමය පෙනී සිටින බවත්ය.
නීතිඥ සංගමය නිකුත් කළ නිවේදනය පහත දැක්වේ.
