මනම්පිටිය නිමල් ජයරත්න –
සිරිකොත කේන්ද්රකරගනිමින් දේශපාලනඥයන්ගේ හෙංචයියන් සහිත නාම ලේඛනයකට සහල් මිලදී ගැනීම සඳහා යැයි කියා රුපියල් බිලියන 09ක මුදලක් රාජ්ය බැංකු හරහා බෙදා දීමේ සූදානම වහාම නවතා දමන ලෙස එක්සත් සහල් නිෂ්පාදකයින්ගේ සංගමයේ සභාපති මුදිත් පෙරේරා අද (10) විශේෂ මාධ්ය සාකච්ඡාවක් කැඳවමින් ජනාධිපතිවරයා ප්රමුඛ රජයෙන් ඉල්ලා සිටියේය.
ඔහු කීවේ මින් පිරිසක් සහන මුදලට ණය ලබාගෙන වී මිලදී ගැනීම, සහල් කිරීම හෝ වී වලට සම්බන්ධ කිසිම මැදිහත්වීමක් නොකර හිඳීමේ සූදානමක පසුවන බව ද ජනාධිපතිවරයාට දන්වා සිටින බව ද කීවේය.
ජනතා බදු මුදල් මේ තරම් සිල්ලර ලෙස ව්යසනයට ලක් නොකරන ලෙසද ඔහු ඉල්ලුවේය.
පොළොන්නරුවේ වලේකඩේ ප්රදේශයේ අද (10) සවස පැවති මාධ්ය සාකච්ඡාව අමතමින් එක්සත් සහල් නිෂ්පාදකයින්ගේ සංගමයේ සභාපති මුදිත පෙරේරා මෙසේ ද කීවේය.
පසුගිය ජනවාරි මාසයේ, අමාත්ය මණ්ඩලය තීරණයක් මත සහන පොලියකට, සුළු හා මධ්ය පරිමාණ සහල් නිෂ්පාදකයන්ට රුපියල් බිලියන නවයක, ණය දෙන්න රජය තීරණය කළා. ඒ ණය මුදල සිරිකොත කේන්ද්ර කරගනිමින් මහජන බැංකුව, ලංකාව බැංකුව, රජරට සංවර්ධන බැංකුව, යටතේ දේශපාලනඥයින්ගේ නාමලේඛනයට අනුව ලබාදීමට සූදානම් කරලා තියෙන බව වගකීමෙන් යුතු මම කියනවා.
ඒ නිසා අපි කියනවා සිරිකොතේ නාමලේඛනයට අනුව මේ රුපියල් බිලියන නවයක මුදල රාජ්ය බැංකු තුනෙන් ලබාදීලා, මේ රටේ මහජනතාවගේ බදු මුදල් අනතුරේ හෙලන්න එපා කියලා. එක්තරා කණ්ඩායමක් සූදානමින් ඉන්නවා මේ ණය මුදල අරන් ගොවියාගේ වී නොගන්නත්, සහල් නිෂ්පාදන නොකරන්නත්.
ජනාධිපතිවරයා මේ සම්බන්ධ දැනුවත් නැත්නම් ඒ පිළිබඳ දැනුවත් වෙන්න ඔන්න දැන් අපි කිව්වා. ඒ වගේම ගොවියාගේ වී ටික වැඩි මිලකට පුද්ගලික අංශයට ලබාගන්න ඉඩ දීලා බලාගෙන ඉන්නවා කියන්නේ අනිවාර්යෙන්ම, ජුනි වලින් පස්සේ සහල් පාරිභෝගිකයට දරාගන්න බැරි විදියට සහල් මිල ඉහළ යනවාමයි.
එතකොට රජයට තීන්දු කරන්න වෙයි අනිවාර්යෙන්ම සහල් ආනයනය කරන්න. ඒ නිසා අපි කියනවා වහාම ආණ්ඩුව මැදිහත් වෙලා ගොවියාගේ වී අත්සනුත් මිලදී ගැනීමේ ක්රියාවලිය ආරම්භ කරන්න කියලා.
ඒ වගේම ආණ්ඩුව සතුව හෝ දිස්ත්රික් ලේකම්වරුන් සතුව අවම තරමේ වී මෙට්රික් ටොන් හැත්තෑ පන්දාහක්වත්, වී අලෙවි මණ්ඩලයේ හෝ ආණ්ඩුව සතුව ගබඩාවල ආරක්ෂිත තොගයක් ලෙස තියාගන්න කියලා ඉල්ලීමක් කරනවා.
එහෙම නොවුනොත් ආණ්ඩුවට අගෝස්තු මාසය වන විට සහල් මිල සම්බන්ධ ලොකු අර්බුදයකට මුහුණ දෙන්න සිද්ධ වෙනවා.
