ලලිත් චාමින්ද –
සෑම ප්රාදේශිය ලේකම් කොට්ඨාසයකටම භෞතික හා මානව පහසුකම්වලින් සම්පුර්ණ පාසල් තුන බැගින් පිහිටුවා මෙරට 353ක් වු ජාතික පාසල් සංඛ්යාව දහසක් (1000)දක්වා වැඩිකිරිමේ අරමුණින් ක්රියාත්මක කළ ව්යාපෘතිය සදහා රුපියල් මිලියන 2285.2ක මුදලක් ( කෝටි 228කුත් ලක්ෂ 52) වැයකර තිබුනද ජාතික පාසල් බවට පත්කර තිබුණේ පාසල් 22ක් පමණක් බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සඳහන් වේ.
අධ්යාපන, ප්රතිසංස්කරණ විවෘත විශ්වවිද්යාල, හා දුරස්ථ අධ්යාපන ප්රවර්ධන රාජ්ය අමාත්යංශය මගින් 2021 වර්ෂය තුළදි පාසල් 622ක අන්තර්ජාල පහුසකම් සංවර්ධනය වෙනුවෙන් රුපියල් මිලියන 576ක් වැයකර තිබුණි.
කාන්තා හා ළමා සංවර්ධන පෙර පාසල් හා ප්රාථමික අධ්යාපන පාසල් යටිතල පහසුකම් හා අධ්යාපන සේවා රාජ්ය අමාත්යංශය මගින් පාසල් 822ක් සඳහා එක් පාසලකට රුපියල් මිලියන 02 බැගින් ලබාදෙනු ලැබිය. එමෙන්ම තවත් පාසල් 09ක් සඳහා භෞතික හා යටිතල පහසුකම් සංවර්ධනය කිරීම සදහා රුපියල් මිලියන 44.7ක් ද, උපකරණ මිලදි ගැනිම වෙනුවෙන් රුපියල් මිලියන 20.5ක් ද වැයකොට ඇති බවද විගණන වාර්තාවේ සඳහන් වේ.
ජනප්රිය යැයි සම්මත පාසල්වල මෙන් සියලු භෞතික මානව පහසුකම් වලින් සම්පුර්ණ පාසල් තුන බැගින් සෑම ප්රදේශිය ලේකම් කොට්ඨසයකම පිහිටුවා එම පාසල් ජාතික පාසල් ලෙස උසස් කිරිම මෙම ව්යාපෘතියේ අරමුණ විය.
මෙම තොරතුරු සදහන් වන්නේ අධ්යාපන අමාත්යංශයේ 2022 වාර්ෂික කාර්යසාධන වාර්තාවට ඇතුලත්ව ඇති විගණන වාර්තාවේය.
