රට වසා තැබීම ශ්රී ලංකාවටත් තවදුරටත් ඔරොත්තු නොදෙන බව මුදල් හා ප්රාග්ධන වෙළෙඳපොළ රාජ්ය අමාත්ය අජිත් නිවාඩ් කබ්රාල් සිය ට්විටර් ගිනුමේ සටහනක් තබමින් ප්රකාශ කරයි.
ඔහු මෙසේ කියයි.
තවදුරටත් රට වැසීම ශ්රී ලංකාවට ඔරොත්තු දෙන්නේ නැහැ.
ජනගහනයෙන් අඩකට මේ අගුළු දැමීමේ විපාක වලට මුහුණ දෙන්නට බැහැ.
සුළු සහ මධ්ය පරිමාණ ක්ෂේත්රයේ ලක්ෂ 45කට මෙයින් ඇතිවෙන පීඩාව තවදුරටත් දරාගන්නට බැහැ.
රටේ සාර්ව ආර්ථික සාධක කම්පාවට පත් වෙනවා.
දිගුකාලීන ආර්ථික හානිය දැවැන්තයි.
දැඩි සෞඛ්යය රීති ක්රියාත්මක කරනවාත් සමඟම, රට විවෘතව තිබිය යුතුයි. රාජකාරි, ව්යාපාරික සහ අනිකුත් කටයුතු අඛණ්ඩව සිදුවිය යුතුයි.
මේ අතර මහාචාර්ය නීලිකා මලවිගේ සහ ආචාර්ය චන්දිම ජීවන්දරගේ ප්රධානත්වයෙන් යුත් ශ්රී ජයවර්ධනපුර විශ්විද්යාලයේ අසාත්මිකතා ප්රතිශක්තිවේද සහ ශල්ය ජෛව විද්යාඅධ්යයන අංශයේ පර්යේෂණ කණ්ඩායම කොළඹ පැතිරී යන සුපිරි ඩෙල්ටා ප්රබේදයක් පිළිබඳ බිහිසුණු අනතුරු ඇඟවීමක් කරයි.
මේ වනවිට කොළඹ නගරය තුළ සියයට සීයක්ම පැතිර යන්නේ මෙම කොවිඩ් ප්රභේදය බව ඔවුන් සිය පර්යේෂණ වාර්තාවකින් අනාවරණය කර තිබේ.
ඒ අතර ලෝක සෞඛ්ය සංවිධානයේ ශ්රී ලංකා කාර්යාලය නිවේදනය කර පැතිරී යන ඩෙල්ටා අවදනා හමුවේ ඇත්තේ රට සති දෙකක් වසා දැමීමෙන් ජීවිත දස දහසක් බේරාගත හැකි බවය.
