වැඩ තහනමට ලක්ව සිටින බන්ධනාගාර කොමසාරිස් ජනරාල් තුෂාර උපුල්දෙණිය මහතා ලබන 25 වන දින දක්වා රක්ෂිත බන්ධනාගාරගත කිරීමට කොළඹ මහේස්ත්රාත් අධිකරණය අද (11) නියෝග කළේය.
ජනාධිපති සමාව අවභාවිතා කරමින් අනුරාධපුර බන්ධනාගාරයේ රඳවා සිටි වරදකරුවකු පොදු සමාව යටතේ නිදහස් කිරීමට ආධාර අනුබල දුන්නේ යැයි සැකපිට බන්ධනාගාර කොමසාරිස් ජෙනරාල්වරයා අපරාධ පරීක්ෂණ දෙපාර්තමේන්තුව මඟින් අත් අඩංගුවට ගෙන ඊයේ අධිකරණයට ඉදිරිපත් කළ අතර අද දින දක්වා බන්ධනාගාරගත කරනු ලැබුවේය.
සැකකරු අද යළි අධිකරණයට ඉදිරිපත් කළ අවස්ථාවේ දී පැමිණිල්ල සහ විත්තියේ නීතිඥවරු විසින් ඉදිරිපත් කළ කරුණු සලකා බැලීමෙන් අනතුරුව ඇප ඉල්ලීම ප්රතික්ෂේප කරමින් කොළඹ ප්රධාන මහෙස්ත්රාත් තනූජා ලක්මාලි විසින් මෙම නියෝගය නිකුත් කර තිබිණි.
