ව්යාපාරිකයින් හට දුරකථනයෙන් තර්ජනය කර මුදල් ගිණුම්ගත කරවා ගැනීම සම්බන්ධයෙන් බස්නාහිර පළාත උතුර අපරාධ කොට්ඨාසය වෙත ලද පැමිණිලි මත එම කොට්ඨාසය මගින් සිදුකළ දීර්ඝ පරික්ෂණයක ප්රතිඵලයක් ලෙස අපරාධකරුවන් දෙදෙනෙක් පොලිසිය විසින් අත් අඩංගුවට ගෙන තිබේ.
පෑලියගොඩ මැනිං වෙළෙඳපලේ ව්යාපාරිකයෙකුට දුරකථනයෙන් තර්ජනය කර අන්තර්ජාලය හරහා රුපියල් 100,000 ක මුදලක් ගිණුම්ගත කරවා ගැනීමේ ආසන්න සිද්ධිය මුල් කරගෙන විමර්ශනයේ දී මෙසේ අත් අඩංගුවට ගෙන ඇත්තේ දෙයියන්දර පොලිස් වසමේ සීනිගල්ල නැගෙනහිර ප්රදේශයේ පදිංචි අවුරුදු 42 හා 45 අතර වයස් වල පසුවන දෙයියන්දර හා තිස්සමහාරම ප්රදේශවල පදිංචිකරුවන් වේ.
සැකකරුවන් කප්පම් ගැනීමේ සිද්ධීන් 40 කට අධික සංඛ්යාවකට සම්බන්ධ බවට පැමිණිලි ලැබී ඇති බව පොලිසිය පවසයි.
අත්අඩංගුවට ගන්නා ලද සැකකරුවන්ගෙන් අනාවරණය කරගන්නා ලද තොරතුරු මතවිදෙස් රටක නිෂ්පාදිත රිවෝල්වර වර්ගයේ ගිනි අවියක් හා එම පතරොම් 05 ක්, මෙරට නිෂ්පාදිත ගිනි අවියක් හා මිලි මීටර් 9 වර්ගයේ පතරොම් 10ක් පොලිස් භාරයට ගෙන ඇත.
මෙම සැකකරුවන් විසින් සිදුකර ඇති අපරාධ සම්බන්ධව අනාවරණය කරගැනීම සඳහා රැඳවුම් නියෝග ලබා ගෙන බස්නාහිර පළාත උතුර අපරාධ කොට්ඨාසය මගින් වැඩිදුර විමර්ශන සිදු කරනු ලබයි.
