මලෙයිගම් ජනතාව ඇතුළු වතු කම්කරුවන්ට ලබන පෙබරවාරි මස 10 වැනිදාට හිමි වන වැටුපට අය වැයෙන් යෝජනා වුන රුපියල් 400 දීමනාව එක් කරන බව රජය පවසයි.
ජාතික ජන බලවේගයේ පාර්ලිමේන්තු මන්ත්රී රවීන්ද්ර බණ්ඩා පැවසුවේ මෙම රුපියල් 400 වැඩි වන්නේ වතු සමාගමෙන් රුපියල් 200ක් සහ රජයෙන් රුපියල් 200ක් ලෙස බවය. ඒ අනුව 1350 දෛනික වැටුප පෙබරවාරි මස 10 වැනිදා සිට නිශ්චිත වශයෙන්ම රුපියල් 1750ක් වන බව ඔහු කීවේය.
“ විපක්ෂ නායකවරයා ඇතුලු කණ්ඩායම් රජයෙන් ප්රශ්න කලා කොහොමද රුපියල් 200ක් දෙන්නෙ කියලා. ඒ අයට කියන්න ඕන අපේ දමිල ජනතාව කියන්නෙ බදු ගෙවන මිනිස්සු. ඒ ගොල්ල පිටි කිලෝ එක ගන්නකොට, දරුවන්ට පොත් පත් ගන්නකොට ඒ ගොල්ලත් බදු ගෙවනවා. අනෙක ඒ අය මේ රට වෙනුවෙන් ශ්රමය වගුරවන අය.
මේ දීමනාව ලබන්න දවසකට කිලෝ දෙකක් වැඩිපුර කඩන්න ඕන නෑ. මාසයට දවස් 25ක් වැඩකරන්න ඕන කියනවා. එහෙමත් නෑ. දවස් 10ක් වැඩ කළත් හම්බවෙනවා. “ මන්ත්රීවරයා පැවසුවේය.
