මේ වනවිට මෝදිගේ නිල ට්විටර් ගිනුම පිරී ඇත්තේ ශ්රී ලංකා සංචාරයේ විචිත්ර සහ ගාම්භීරවූත් ලෙන්ගතු වූත් මතකයන්ගෙනි. දෙමළ සහ සිංහල භාෂාවන්ගෙන් එම සටහන් සහිත ඡායාරූප පෙළකි. ඊයේ ඉන්දියාවේ සිට ශ්රී ලංකාවට පැමිණි මොහොතේ සිට මේ දක්වා වූ සියලුම සැමරුම් එක්ස් ගිනුමේ යාවත්කාලීන වෙමිනි.
කොළඹට පැමිණි අවස්ථාවේම සිංහලෙන් එක්ස් සටහනක් විය. ” කොළඹට පැමිණියෙමි. ගුවන් තොටුපලේ දී මා පිළිගත් අමාත්යවරුන්ට සහ සමභාවනීයයන්ට මාගේ කෘත්වේදීත්වය පිරිනමමි. ශ්රී ලංකාවේ වැඩසටහන් සඳහා අපේක්ෂාවෙන් පසුවෙමි.” එම සටහනේ විය.
අනතුරුව කටුනායක විශේෂ සම්භාවනීය අමුත්තන්ගේ පර්යන්තයෙන් පිටවී එන මෝදි දකින්නේ මහා වර්ෂාව නොතකා ඔහු පිළිගැනීම වෙනුවෙන් උත්කර්ෂයෙන් පෙළ ගැසී සිටින ජනතාවකි. ඉන්දීය කොඩි වනමින් “මෝදී ” “මෝදී” උනන්දුවෙන් සහ ලෙන්ගතුව හඬ නගමින් සිටින ප්රජාව අතර මෝදි හෘදයාංගම වනු පෙනුනි.
” කොළඹ ඉන්දීය ප්රජාවේ දර්ශනීය පිළිගැනීම සඳහා වර්ෂාවෙන් බාධාවක් නොවීය. ඔවුන්ගේ උණුසුම් සහ උනන්දුව මා හදවත ගැඹුරින් ස්පර්ශ කළේය. ඔවුන්ට මාගේ කෘතවේදීත්වය” මෝදි සිය එක්ස් ගිනුමේ සිංහලෙන් සටහන් කර තිබිණි.
එමෙන්ම ප්රජා පිළිගැනීමේ උත්සවය අතර තුර පැවති සංස්කෘතික සංදර්ශනය ද මෝදිගේ හදවද බැඳගෙන ඇති අයුරු පෙනුණි. ” ප්රජා පිළිගැනීමේ උත්සවය අතරතුර මාහ පුරුෂ ශ්රීමන්ත සංකදේර්ව් තුමා ශ්රී ශ්රී මධාබ්දෙව් තුමා, සංගීතය පිළිබඳ පොත් ඉන්දීය කතාන්දර සහ පාලි ගීත ගෝවින්දයේ සිතිවිලිවල පරිවර්තනයන් ද දුටුවෙමි. මේ සංස්කෘතික බැඳීම් සදා දිනේවා!”
මේ හෘදයාංගම බව අප අපේ සංස්කෘතිය තුළ දකින්නේ වැඩිහිටි ඥාතියෙකුගේ සම්ප්රාප්තියක් පිළිබදව හෘදයාංගම බවකිනි. මෝදි ගේ එක්ස් ගිනුමේ සටහන්ව ඇත්තේත් ඥාතීත්තවයේ හෘදයාංගම ගැඹරක සේයාවන්ය.
