ශ්රියානි විජේසිංහ –
රෝගීන්ට ලැබෙන පරිත්යාගයන්ට බදු අය කරන එකම රට ශ්රී ලංකාව බව යැයි කොළඹ ජාතික රෝහල් රෝහල් සේවා මණ්ඩලයේ ප්රධානී පූජ්ය රජවැල්ලේ සුභුති හිමියෝ සඳහන් කළහ.
මෙම පරිත්යාගශීලී වැඩ සටහනට ජනාධිපතිවරු තිදෙනෙකුගෙන් සහයෝගය ඉල්ලුවද ඉන් එක් අයෙක් හෝ සහයෝගය ලබා නොදුන් බව පෙන්වා දුන් උන්වහන්සේ වත්මන් ජනාධිපති රනිල් වික්රමසිංහ සමඟ කථා කර එංගලන්තයෙන් සහ ඕස්ට්රේලියාවෙන් රටට පරිත්යාගයන් ලෙස ලැබෙන වෛද්ය උපකරණයන් සඳහා අය කරන බදු අඩුකර සහනයක් ලබාදෙන මෙන් ඉල්ලූ විට ජනාධිපතිවරයා සඳහන් කළේ මෙම වෛද්ය උපකරණ පාවිච්චි කරන ලද පරණ ඒවා බවයැයි ද සූභූති හිමියෝ සඳහන් කළහ.
එසේම හිටපු ජනාධිපතිවරුන් වන මහින්ද රාජපක්ෂ සහ මෛත්රිපාල සිරිසේන ද රෝහල් සේවා මණ්ඩලය ගෙන යන වැඩ පිළිවෙළට ට උදව් උපකාර කරන බවට පොරොන්දු වුවද ඔවුන්ද මේ වන තෙක් කිසිදු උපකාරයක් කර නොමැති බවද සූභූත් හිමියෝ කීහ.
නොමිලේ ලබා දෙන වෛද්ය උපරකරණවලින් කොමිස් ගැසීමට නොහැකි බැවින් රාජ්ය නිලධාරීන් පවා මෙම වැඩපිළිවෙළ ආපසු හැරවීමට කටයුතු කරන බවද සුභූති හිමියෝ පැවසුහ.
එංගලන්තයේ සිල්වියා පදනම , රෝහල් සේවා මණ්ඩලය සහ ඔිස්ට්රේලියාවේ සිඩ්නි සහ බෙල්මන් නුවර සිටින ශ්රී ලාංකිකයන්ගේ පරිත්යාගයෙන් මෙම වැඩසටහන කරගෙන යන බවත් මේ වන විට රෝහල් 380ට අවශ්ය වෛද්ය උපකරණ ලබා දීමට රෝහල් සේවා මණ්ඩලය කටයුතු කර ඇති බවත් උන්වහන්සේ කීහ.
