ශ්රියානි විජේසිංහ –
රිලවියන්ට ලූප් පැළදවීමේ නියමු ව්යාපෘතිය අනුරාධපුර දිස්ත්රික්කයේ එල්ලාවල ප්ලාන්ටේෂන්හි ඉදිරි දිනවලදි ක්රියාත්මක කිරීමට කටයුතු යොදා ඇතැයි පේරාදේණිය විශ්ව විද්යාලයේ පශු වෛද්ය පීඨයේ ප්රධානී මහාචාර්ය අශෝක දංගල්ල සඳහන් කළේය.
විද්යාගාරයන් තුළ සිදුකළ මෙම ව්යාපෘතිය සාර්ථක ප්රතිඵල පෙන්වා ඇති බැවින් එය නියමු ව්යාපෘතියක් ලෙස පරිසරය තුළ සිදුකර සාර්ථක අසාර්ථකභාවය සලකා බැලිය යුතු යැයිද මෙහි සාර්ථකත්වය මත රිලා ගහණය අඩුකර ගැනීමට හැකි වනු ඇතැයිද මහාචාර්යවරයා පැවසුවේය.
එල්ලාවල ප්ලාන්ටේෂන් වෙත පැමිණෙන රිලවියන්ට ලූප් එක පැළඳවීමේ දී ටැටූ ගැසීම, වර්ණ ගැන්වීම, බ්රිජ් කිරීම, වැනි සලකුණු තැබීමෙන් රිළවුන්ව නැවත හදුනා ගැනීම පහසු වන බවද මහාචාර්යවරයා කීය.
රිලවියන්ට පළඳන ලූපය සාර්ථකව පවතින්නේද යන්න නැවත සොයා බැලීමේදී සතුන් අල්ලා ගැනීම මෙම වර්ණ ගැන්වීම මගින් ඉතා පහසු කාර්යයක් වන බවද මෙවන් ක්රමයන් මීට පෙර කිසිවකුත් සිදුකර නොමැති බවද මහාචාර්ය දංගල්ල පැවසුවේය.
