පාකිස්ථානයේ ස්ලාමාබාද් අගනුරව අධිකරණ ගොඩනැගිල්ලක් අසල අද දහවල් බෝම්බයක් පුපුරා ගියේය.
පකිස්ථාන අභ්යන්තර කටයුතු අමාත්ය මොහ්සින් නක්වි පැවසුවේ අවම වශයෙන් පුද්ගලයින් 12 දෙනෙකු මිය ගිය බවය. රෝහල් බලධාරීන් 30 කට වැඩි පිරිසක් තුවාල ලබා ඇත. අවම වශයෙන් පස් දෙනෙකුගේ තත්ත්වය බරපතලය. .
සිද්ධිය වාර්තා වන්නේ පුද්ගලයින් 13 දෙනෙකුට මරු කැඳවමින් නවදිල්ලි නුවර සිද්ධ වු ප්රහාරයෙන් පැය 24ක් ගතවීමට පෙර වීම විශේෂය. අල් ජසීරා වාර්තා කරන්නේ මෙම “මරාගෙන මැරෙන ප්රහාරය” සම්බන්ධයෙන් පකිස්ථාන අගමැති ෂෙබාස් ෂරීෆ් ඉන්දියාවට දොස් පවරා ඇති බවය.
ඉස්ලාමාබාද්හි රාවල්පිණ්ඩි ක්රීඩාංගනයේ ශ්රි ලංකා පකිස්ථාන එක්දින ජාත්යාන්තර තරගය පැවැත්වීම සූදානම් වෙමින් තිබිනි. බෝම්බය පුපුරා යන්නේ දේශීය වේලාවෙන් දහවල් 12.32ට ය. තරගය ආරම්භ වීමට තිබුණේ පස්වරු 2.30ට ය. කෙසේ වෙතත් තරගය නියමිත වේලාවට ආරම්භ වූයේය.
2009 මාර්තු මාසයේදී පාකිස්තානයේ තුවක්කුකරුවන් විසින් ප්රහාරයට ලක් වූ ශ්රී ලංකා ක්රිකට් කණ්ඩායම යළිත් පකිස්ථානයට පැමිණ කම්පන සහගත අත්දැකීමක් වින්දේය. රාවල්පිණ්ඩි ක්රීඩංගනය පිහිටියේ අධිකරණයේ සිට කිලෝමීටර් 10 ක් (සැතපුම් 6) පමණ නුදුරෙනි. වැඩිම කම්පනය ඇති වන්නේ ඉස්ලාමාබාද් නුවරම ජාත්යන්තර සම්මන්ත්රණ කිහිපයක් පැවැත්වමින් තිබිය දී මෙම පුපුරා යෑම සිද්ධ වීම නිසාය.
ඇෆ්ගන් දේශසීමාව අසල කයිබර් පක්තුන්ක්වා පළාතේ දකුණු වසිරිස්තාන කැඩෙට් විද්යාලයේ සිය ගණනක් වූ කැඩෙට් නිලධාරින් පිරිසක් සටන්කරුවන් විසින් ප්රාණ ඇපයට ගෙන තිබිණි. සිද්ධිය වන්නේ ඊයේ දිනයේ දි ය. එම කැඩෙට් භටයින් බේරා ගැනීම කෙරෙහි හමුදාව අවධානය යොමු කළ අවස්ථාවක එල්ල වූ මෙම මරාගෙන මැරෙන ප්රහාරය ප්රචණ්ඩත්වයේ නාටකාකාර වැඩිවීමක් සනිටුහන් කර තිබිණි.
අඟහරුවාදා, කයිබර් පක්තුන්ක්වා ඩෙරා ඉස්මයිල් ඛාන් හි තවත් බෝම්බයක් එල්ල වූයේය. , අවම වශයෙන් ආරක්ෂක නිලධාරීහු 14 දෙනෙකු ඉන් තුවාල ලැබුහ.
අල් ජසීරා පෙන්වා දෙන්නේ සාක්ෂි ඉදිරිපත් නොකර ඉස්ලාමාබාද් සහ වානා සිදුවීම් දෙකටම පකිස්ථාන අගමැති ෂෙබාස් ෂරීෆ් ඉන්දියාවට දොස් පවරන බවය. “ප්රහාර දෙකම කලාපයේ ඉන්දියානු රාජ්ය ත්රස්තවාදයේ නරකම උදාහරණයි. ඉන්දියාවේ එවැනි දුෂ්ට කුමන්ත්රණ හෙළා දැකීමට ලෝකයට කාලයයි,” පකිස්ථාන අගමැති ෂෙබාස් ෂරීෆ් උපුටා දක්වමින් අල් ජසීරා වාර්තා කරයි.
දිනකට පෙර, නවදිල්ලියේ සිදු වූ මෝටර් රථ පිපිරීමකින් අවම වශයෙන් පුද්ගලයින් 13 දෙනෙකු මිය ගියේය. ඉන්දියාවේ ස්වදේශ කටයුතු අමාත්ය අමිත් ෂා X හි පැවසුවේ ඉන්දියාව “මෙම සිද්ධිය පිටුපස සිටින සෑම වැරදිකරුවෙකුම දඩයම් කරන” බවයි.
කෙසේ වෙතත්, පකිස්තානයේ අගනුවර මෑත වසරවලදී බොහෝ දුරට සාමකාමීව පැවතුනි. ඉස්ලාමාබාද්හි අවසන් ප්රධාන ප්රහාරය 2022 දෙසැම්බර් මාසයේදී සිදු වූ අතර එහිදී මෝටර් රථයක් පොලිස් මුරපොළකට පහර දී පොලිස් නිලධාරියෙකු මිය ගියේය. TTP සංවිධානය එම ප්රහාරයේ වගකීම භාරගෙන තිබුණි.
සාක්ෂිකරුවන් දුටුවේ කුමක්ද?
ඉස්ලාමාබාද්හි ප්රධාන දිස්ත්රික් අධිකරණය ලෙස, අධිකරණ සංකීර්ණය තුළ නඩු පවරන්නන් දහස් ගණනක් ඔවුන්ගේ විවිධ නඩු සඳහා අධිකරණ පරිශ්රයට පැමිණ සිටියහ. නීතිඥයින් දහස් ගණනක් ද ඔවුන්ගේ දෛනික රාජකාරි සඳහා සංකීර්ණයට ආහ.
ඉස්ලාමාබාද් නීතිඥ කවුන්සිලයේ සාමාජිකයෙකු වන රාජා අලීම් අබ්බාසි අල් ජසීරා වෙත ප්රකාශ කර තිබුණේ අධිකරණ පරිශ්රය තුළ සිටිය දී සංකීර්ණය දෙදරුම් කමින් දැවැන්ත පිපිරීමක් ඇති වුන බවය.
“එය කන් බිහිරි කරවන පිපිරීමක්… සම්පූර්ණ අවුල් සහගත තත්වයක් සහ භීතියක් ඇති වුනා. අපි සන්සුන් වන විට, පිටතින් විසි වි පැමිණි මරාගෙන මැරෙන බෝම්බකරුගේ හිස අඩි කිහිපයක් දුරින් මා ඉදිරිපිට පෙරළෙනු මා දැක්කා,” කම්පා වූ අබ්බාසි අල් ජසීරාට පැවසීය.
60 හැවිරිදි අබ්බාසි පැවසුවේ සිය ගණනක් පලා යාමට උත්සාහ කළ නමුත් ප්රධාන දොරටුව අවහිර වූ බවය. “ඉක්මනින්, විනිසුරුවන් සඳහා භාවිතා කරන දොරටුව මහජනතාව සඳහා විවෘත වුනා. අපට ඉවත් වීමට හැකි වුනා,” ඔහු තවදුරටත් පැවසීය.
මෙම පිපිරීම සිද්ධ වනවිට විට 2,000 ක් පමණ පිරිසක් පරිශ්රයේ සිටි බව ඔහු ඇස්තමේන්තු කළේය.
තවත් නීතිඥයෙකු වන මුෂාහිඩ් දාවර් පැවසුවේ පිපිරීමට මිනිත්තු කිහිපයකට පෙර ඔහු තම යතුරුපැදියෙන් පරිශ්රයෙන් පිටව ගිය නමුත් එය ඇසූ විට ඔහු ආපසු පැමිණි බවය.
පිපිරීමෙන් ටික වේලාවකට පසු, පකිස්ථාන ආරක්ෂක අමාත්ය කවාජා අසිෆ් X හි සටහනක් තබා රට “යුද්ධ තත්ත්වයක” පවතින බව කීවේය.
“පාකිස්තාන හමුදාව ඇෆ්ගන්-පකිස්තාන දේශසීමා කලාපයේ සහ බලුකිස්තානයේ දුරස්ථ ප්රදේශවල මෙම යුද්ධයට මුහුණ දෙන බව සිතන ඕනෑම අයෙකු අද ඉස්ලාමාබාද් දිස්ත්රික් උසාවියේ සිදු වූ මරාගෙන මැරෙන ප්රහාරය අවදි කිරීමේ ඇමතුමක් ලෙස ගත යුතුය: මෙය මුළු පාකිස්තානයටම යුද්ධයක් වන අතර, එහිදී පකිස්තාන හමුදාව දිනපතා කැපකිරීම් කරමින් ජනතාවට ආරක්ෂිත තත්ත්වයක් ඇති කරන බව දැනේ,” ඔහු ලිවීය.
ඉන්දියාවට දොස් පවරන්නේ ඇයි?
2025 වසර කලාපීය පෙළගැස්ම වෙනස් කර ඇත. වත්මන් වසරේ සම්බන්ධතාවය නිවැරදි කිරීමට උත්සාහයන් කිහිපයක්ම දක්නට ලැබුණද, පාකිස්තානය සහ ඇෆ්ගන් තලේබාන් සංවිධානය අතර සබඳතා දැන් බිඳවැටීමේ ස්ථානයක පවතී.
පකිස්තානය කාබුල් වෙත තානාපතිවරයෙකු පත් කර බහු රාජ්ය තාන්ත්රික සංවාදවල නිරත වූ නමුත් සබඳතා පිරිහී ඇත.
දිගු කලක් තිස්සේ තලේබාන් සංවිධානය පකිස්තාන නියෝජිතයෙකු ලෙස සැලකූ සහ සම්බන්ධතා ප්රතික්ෂේප කළ ඉන්දියාව, අනෙක් අතට, මෑත වසරවලදී එහි රාජ්ය තාන්ත්රික සහ උපායමාර්ගික සබඳතා ශක්තිමත් කර තිබේ. පසුගිය වසරේ ඇෆ්ගනිස්ථාන විදේශ අමාත්යවරයා ඉන්දියාවේ කළ සංචාරය ඊට සාක්ෂි දරයි.
නවදිල්ලිය බලුකිස්තානයේ නොසන්සුන්තාවයක් ඇති කරන බවට ඉස්ලාමාබාද් හැම දිනකම චෝදනා කර තිබේ. මෑතකදී TTP ත්රස්ත කල්ලිය සඳහා ඉන්දියානු සහයෝගය ලබා දෙන බවට පකිස්ථානයෙන් චෝදනා එල්ල වී ඇත. එහෙත් , ඉන්දියාව එය ප්රතික්ෂේප කරයි. ( අල් ජසීරා ඇසුරිනි )
