ශ්රී ලංකාවේ ක්රියාත්මක වන ආණ්ඩු විරෝධී විරෝධතා තවමත් ක්රියාත්මකය . හිටපු ජනාධිපති ගෝඨාභය රාජපක්ෂ සහ ඔහුගේ පවුලේ අය ඉලක්ක කර ගනිමින් විරෝධතාකරුවන් නැගූ සටන් පාඨ අතර ඔවුහු ඉන්දියාවට එරෙහිවත් හඬ නැඟුහ. “ඉන්දියාවට සහ ඇමරිකාවට රට විකුණන්න එපා”; “ඉන්දියාව: ශ්රී ලංකාව තවත් ප්රාන්තයක් නොවේ”; සහ “ඉන්දියාව ශ්රී ලංකාවේ තත්ත්යෙන් ඉන්දියාවේ ගසා කෑම නවත්වනු ” – පෙළපාලි අතරතුර පුළුල් ලෙස ඇසෙන්නට විය.
එහෙත් මෙවැනි ඉන්දීය විරෝධී හැඟීම් තවමත් පවතින අතර, දේශපාලන හා ආර්ථික අවුල් ජාලය සමඟ රට පොර බදද්දී ශ්රී ලාංකිකයන් ඉන්දියාව දකින ආකාරය සහ ආකල්පවල යම් පරිවර්තනයක් වන තැනට කරුණු මේ අර්බුදය තුළ නිර්මාණය විය.
ශ්රී ලංකාව ගැඹුරු සහ පෙර නොවූ විරූ අර්බුදය හේතුවෙන් මේ වනවිට ශ්රි ලංකාවේ ජනතාවට ඉතිරිව ඇත්තේ බලාපොරොත්තු සහ ආත්ම විශ්වාසය පමණි. රටට යමක් කරාවි යයි රටේ බහුතරයක් විශ්වාස කළ නායකයාත් ඔහුගේ පක්ෂයත් මේ වනවිට රටේ ජනතාවගේ බලාපොරොත්තු විනාශ කර ඇත. ඔවුන්ට යම් හෝ බලාපොරොත්තුවක් දෙන්නට වර්තමාන ජනාධිපතිවරයා උත්සාහ ගන්නා බව පෙනුණද එය තවමත් ස්ථාපිත ව නැත්තේ ජනතාව තවදුරටත් දැඩි පීඩනයකින් සිටින්නට සිදුවීම නිසාය.
වසර ගණනාවක් පුරා, ශ්රී ලංකාව විශාල ණය ප්රමාණයක් ගොඩනගා ගෙන ඇත. ඒ මත සහ වැරදි ආර්ථික කළමනාකාරණ ප්රතිපත්ති මත එය දැන් ආහාර, ඉන්ධන සහ බෙහෙත් වැනි අත්යවශ්ය ද්රව්ය මිලදී ගැනීමට අරගල කරමින් සිටී.
පසුගිය සතියේ සිංගප්පූරුවට පලා ගිය රාජපක්ෂ මහතා සහ ඔහුගේ පවුලේ අය මෙම තත්ත්වයට වගකිව යුතු බවට විරෝධතාකරුවන් චෝදනා කරති
රජපක්ෂලා විසින් ඇති කරවන ලද මේ අර්බුදය ශ්රී ලාංකේය දේශපාලනයේ සමහර කොටස් සෑම විටම සිය විශාල සහ බලවත් අසල්වැසියා වන ඉන්දියාවේ පැමිණීම ගැන සැකයෙන් බලයි. බහුතර සිංහල ජාතිකවාදීන් සහ වාමාංශික පක්ෂ විසින් වසර ගණනාවක් පුරා ශ්රී ලංකාවේ ඉන්දියානු විරෝධී විරෝධතා නිර්මානය කිරීමද ඊට එක් හේතුවකි. .
නමුත් මාස කිහිපයකට පෙර ශ්රී ලංකාව හදිසියේම ගැඹුරු ආර්ථික අවුලකට හසු වූ විට, එය ඉන්දියාව දෙසට හැරුණු අතර දිල්ලියේ භාරතීය ජනතා පක්ෂ (බීජේපී) රජය මූල්ය ආධාර ලබා දුන්නේය.
මෙය පළමු වතාවට නොවුනත් – ඇත්ත වශයෙන්ම, පසුගිය වසර තුළ ඉන්දියාව තරම් ශ්රී ලංකාවට වෙනත් කිසිදු රටක් හෝ ආයතනයක් උදව් කර නැත.
විශේෂඥයන් පවසන්නේ පසුගිය වසර 15 තුළ යටිතල පහසුකම් ව්යාපෘති සඳහා ණය සහ වෙනත් ආකාරයේ මූල්ය ආධාර ලබා දීමෙන් චීනය ආක්රමණය යම් ආකුමනයක් සිදු කළ බවය. පසුව, ශ්රී ලංකාවේ මංමුලා සහගත මූල්ය අවශ්යතාව, එක් ආකාරයකින්, මිලියන 22 ක ජනතාවක් සිටින දූපත් ජාතියක් ලෙස දිල්ලි නගරයට එහි බලපෑම නැවත ලබා ගැනීමට උපකාර කර ඇති බවයි.
කෙසේ වුවද විපක්ස නායක සජිත් ප්රේමදාස මහතා පසුගියදා බීබීසීපුවත් සේවයට අදහස් දක්වමින් සඳහන් කර ඇත්තේ අර් ුදය තුළ ඉන්දියාව ඉතා තීරණාත්මක කාර්යභාරයක් ඉටු කර ඇති බවය. “විශේෂයෙන් මෙම තීරණාත්මක සන්ධිස්ථානය තුළ. අපි රටක් ලෙස දැවැන්ත අර්බුදයකට මුහුණ දී තිබෙනවා. ඉන්දියාව අපට ඉදිරියට පැමිණ සහයෝගය ලබා දී තිබෙනවා ඔහු එලෙසින් බිබීසී ය සමඟ පවසා ඇත.
ඉන්දියාව සහ ශ්රී ලංකාව සියවස් ගණනාවක් ඈතට දිවෙන සබඳතාවයක සමීප සංස්කෘතික, ආගමික සහ ආර්ථික සබඳතා බෙදා ගන්නා අසල්වැසි රාජ්යයයි.
ඉන්දියාවෙන් බොහෝ නිෂ්පාදන, විශේෂයෙන් ආහාර ද්රව්ය ආනයනය කරන අතර කොළඹ අගනුවර දිල්ලියේ ප්රධාන වෙළඳ හවුල්කරුවෙකු වී ඇත. රටේ දෙමළ ජනගහනය දකුණු ඉන්දියාවේ තමිල්නාඩු ප්රාන්තයේ ජනතාව සමඟ සමීප සංස්කෘතික හා වාර්ගික සබඳතා බෙදා ගනී.
කෙසේ වුවද ඉන්දියාව සමඟ පැවති මිතු දම 2005 දී මහින්ද රාජපක්ෂ ජනාධිපතිවරයා ලෙස තේරී පත්වීමෙන් පසු මඳක් ඈත් විය. ඔහුගේ දෙවන ධූර කාලය තුළ ක්රමානුකූල මාරුව තහවුරු කරන ලද අතර, දකුණේ හම්බන්තොට නගරයේ වරායක් වැනි යටිතල පහසුකම් ව්යාපෘති සම්බන්ධයෙන් චීනය සමඟ ගිවිසුම් කිහිපයක් ඇති විය.
සංඛ්යාලේඛන පෙන්වා දෙන්නේ චීනය මේ වන විට ශ්රී ලංකාවට ඩොලර් බිලියන 5 කට වඩා ණය ලබා දී ඇති අතර එය ශ්රී ලංකාවේ මුළු විදේශ ණය ප්රමාණයෙන් 10% ක් පමණ වන බවයි.
එහෙත් ශ්රී ලංකාව එහි වත්මන් ගැටලු විසඳීම සඳහා අමතර ණය සොයමින් සිටියද – ඉන්ධන හිඟය සහ ආහාර මිල ඉහළ යාම – බීජිනය තවමත් නව ණය කිසිවක් ලබා දී නොමැත.
අනෙක් අතට ඉන්දියාව ණය සහ මුදල් හුවමාරුව ලෙස ඩොලර් බිලියන 3.5ක් පමණ ලබා දී ඇත. ණය රේඛාවේ කොටසක් ලෙස, එය මෑත මාසවලදී ශ්රී ලංකාවට බෙහෙවින් අවශ්ය ඉන්ධන, ආහාර සහ පොහොර නැව්ගත කිරීම් කිහිපයක් යවා ඇත.
දිල්ලියේ ණයවලට අමතරව, ඩීඑම්කේ පක්ෂයේ මහ ඇමති එම්කේ ස්ටාලින් ප්රමුඛ තමිල්නාඩු රජය ද ශ්රී ලංකාවට ආහාර සහ බෙහෙත් නැව්ගත කර ඇත. තමිල්නාඩුවේ දේශපාලන පක්ෂ අඟහරුවාදා දිල්ලියෙන් ඉල්ලා සිටියේ අසල්වැසි රටේ වර්ධනය වෙමින් පවතින තත්ත්වය පිළිබඳව සාකච්ඡා කිරීම සඳහා රැස්වීමක් කැඳවන ලෙසයි.
ඉන්දියාවේ ඩොලර් බිලියන ගණනක මූල්ය ආධාර ශ්රී ලාංකිකයන් අතර මහජන මතය වෙනස් කිරීමට හේතු වී ඇති බව විශේෂඥයෝ පවසති
ඉන්දියාව මෙන්ම චීනය ද ඉන්දීය සාගරයේ උපායමාර්ගික පිහිටීම නිසා ශ්රී ලංකාව සමඟ හිතකර රාජ්ය තාන්ත්රික සබඳතා සඳහා තරඟ කර ගන්නා තත්ත්වයක් පැවිතයද මේ මොහොතේ ශ්රි ලංකාව පෙළන ඉතිහාසයේ දරුනුතම අර්ථික පසුබෑම හමුවේ වඩාත් සමීප වන්නේ ඉන්දියාවයි.
එහෙත් විශේෂඥයින් පවසන්නේ ශ්රී ලංකාවට ආධාර ලබාදීමට ඉන්දියාව ගත් තීරණයට උපායමාර්ගික වැදගත්කමක් ඇති බවයි.
ඉන්දියාවේ මූලික ණය ප්රකාශය ප්රකාශයට පත් කිරීමෙන් පසු, දෙරටේ දෙවන ලෝක යුද්ධ සමයේදී ඊසාන දිග ත්රිකුණාමල වරායේ ඉදිකරන ලද යෝධ තෙල් ටැංකි 61 ක් ඒකාබද්ධව ක්රියාත්මක කිරීමට ජනවාරි මාසයේදී දෙරට එකඟ විය. වසර 30 කට වැඩි කාලයක් තිස්සේ ඉන්දියාව බ්රිතාන්ය යුගයේ පහසුකම වෙත ප්රවේශ වීමට උත්සාහ කරමින් සිටින අතර එමඟින් උපායමාර්ගික තෙල් සංචිත ගබඩා කිරීමට හැකි වේ.
ඒ හා සමානව, සැප්තැම්බර් මාසයේදී, උපායමාර්ගික කොළඹ වරායේ බටහිර බහාලුම් පර්යන්තය ඉදිකිරීම සහ ක්රියාත්මක කිරීමේ කොන්ත්රාත්තුවේ බහුතර කොටස් ඉන්දීය සමූහ ව්යාපාරය වන Adani සමූහයට ලබා දෙන ලදී.
“මම හිතන්නේ නැහැ කිසිම රටක් තමන්ට ප්රතිලාභයක් ලබා නොදී අපට උදව් කරයි කියලා. ඉන්දියාව ඔවුන්ගේ අවශ්යතා ගැන සොයා බලනු ඇත,” වාමාංශික ජාතික ජන බල සන්ධානයේ පාර්ලිමේන්තු මන්ත්රී හරිනි අමරසූරිය බීබීසීයට පැවසීය. .
ඉන්දියාව මෙන්ම ශ්රී ලංකාව ද තම අභිමතය පරිදි තීරණ ගත යුතු බව පවසන අමරසූරිය මහත්මිය, රටේ ආර්ථික හා උපාය මාර්ගික ස්ථානවල පාලනය අත්හැරීමට සිදුවේද යන්න සොයා බැලිය යුතු බව පවසයි.
ශ්රී ලංකාවේ දෙමළ සුළු ජාතීන් පිළිබඳ ප්රශ්නය සහ ඔවුන්ගේ අයිතිවාසිකම් ඉල්ලීම ඉන්දියාව සමඟ රාජ්ය තාන්ත්රික සාකච්ඡාවලට ද දිගින් දිගටම බලපානු ඇතැයි විශේෂඥයෝ පවසති.
1980 ගණන්වල බොහෝ ශ්රී ලාංකික දෙමළ කැරලි කණ්ඩායම් ඉන්දියාවේ රැකවරණය ලැබීමෙන් පසු ද්විපාර්ශ්වික සබඳතා පළුදු විය. ශ්රී ලංකාවේ දෙමළ ජනයාට වෙනම නිජබිමක් සඳහා සටන් වදින සටන්කාමීන්ට දිල්ලි අවි සහ පුහුණුව ලබා දෙන බවට කොළඹ චෝදනා කළේය.
වසර 20 කට පසු ආසියා පැසිෆික් කලාපයේ විදේශ ණය පැහැර හරින ලද පළමු රට බවට ශ්රී ලංකාව පත් විය
2009 මැයි මාසයේදී කැරලිකරුවන් පරාජය කිරීමත් සමඟ සිවිල් යුද්ධය අවසන් වූ අතර ඉන්දියාව යුද්ධයේදී ශ්රී ලංකා රජය සමඟ සිටියේය.
කෙසේ වෙතත්, වත්මන් ආර්ථික අර්බුදය, දැනට ජාතීන් දෙක අතර දේශපාලන උත්සුකයන් අභිබවා යනු ඇතැයි අපේක්ෂා කෙරේ.
දැනටමත් ශ්රී ලාංකිකයන් කිහිප දෙනෙකු, විශේෂයෙන් දෙමළ ආධිපත්යය ඇති උතුරේ සිට, ආර්ථික අර්බුදය හේතුවෙන් තමිල්නාඩුවේ රැකවරණය පතා ඇති අතර, දිවයිනේ ආර්ථික තත්ත්වය නරක අතට හැරුණහොත් ඔවුන්ගේ සංඛ්යාව ඉහළ යා හැකිය. ශ්රි ලංකාවේ ආර්ථික අර්බුදය ඉන්දියාවට පිටාර ගලන තරමේ තත්ත්වයක් බවට පසුගියදා ඉන්දීය විදේශ අමාත්යවරයා කළ සඳහන සහ මේ තත්ත්වයන් අතර යම් ගැලපීමක් ඇති බව පෙන්වයි.
ශ්රී ලංකාවේ සුළුතර දෙමළ සහ මුස්ලිම් ප්රජාවන් සෑම විටම ඉන්දියාව දෙස බලා සිටින්නේ ඔවුන් ගැටලුවලට මුහුණ දුන් විට සහ සමාන අයිතිවාසිකම් අවශ්ය වූ විටය.පසුගිය කාලයේ කුපිත කිරීම් තිබියදීත්, බහුතර සිංහල ප්රජාවේ බොහෝ දෙනෙක් ද මෑත මාසවලදී ඉන්දියාවේ උපකාර අගය කරති.
කෙසේ වුවද අර්බුදය හමුවේ ඉන්දියානු මැදිහත්වීම සහ ඔවුන්ගේ උපකාර ශ්රි ලංකාවට නොලැබුණි නම් දෙපයින් සිට ගන්නවා බොරුය. නිදසුනක් ලෙස ඉන්දියානු ණය යෝජනා කුමය යටතේ එවූ ඉන්දන රටට විශාල බලපෑමක් කළේය. එම ණය පහසුකමට පසුව තෙල නැතිව රට වේලෙන තත්ත්වයකට පත් වෙද්දීද එය යාන්තමින් හෝ සංසිඳුණේ ඉන්දියන් ඔයිල් හෙවත් අයි.ඕ.සී නිසා ය.
ඉන්දියාව කිට්ටු වීම පිළිබඳව යමකුට සතකුටක් හෝ තවකතුට වේදනාවක් දැනේට පුළුවන. එහෙත් ඔවුන් ගේ ආධාරය ඕනෑ තැනටම රට වැටටුවේ රාජපක්ෂලා ප්රමුඛ පොහොට්ටු නඩය බව අමතක නොකළ යුතුය.
බීබීසී පුවත් සේවයේ පළ වූ ලිපියක් පසුබිම් කර සැකසිණි.
