හරිත කෘෂිකර්මාන්තයක් වෙනුවෙන් ශ්රී ලංකා රජය ගත් සාධනීය පියවරක් ලෙස රසායනික පොහොර සීමාකිරීම සිදුකළ බව ජනාධිපති ගෝඨාභය රාජපක්ෂ ලෝක නායකයින් හමුවේ දී ප්රකාශ කලේය.
ජනාධිපතිවරයා කීවේ නව ගල් අඟුරු බලය නැති කිරීම සඳහා වූ ගෝලීය බලශක්ති සම්මුතියේ සම ප්රමුඛයෙකු වීම පිළිබඳ ශ්රී ලංකාව ආඩම්බර වන බවය.
ස්කොට්ලන්තයේ ග්ලාස්ගොහි දී පැවැත්වෙන එක්සත් ජාතීන්ගේ දේශගුණික විපර්යාස පිළිබඳ රාජ්ය නායක සමුළුව අමතමින් ජනාධිපති ගෝඨාභය රාජපක්ෂ මේ බව ප්රකාශ කළ බව ජනාධිපති මාධ්ය අංශය නිවේදනය කළේය.
ලොව විශාලතම හරිතාගාර වායු විමෝචනය කරන්නන් විසින් ඔවුන්ගේ කාර්යභාරය ඉටුකිරීම මෙන්ම සංවර්ධනය වෙමින් පවතින ජාතීන්ට දේශගුණික අභියෝග ජයගැනීමට සහායවීම අත්යාවශ්ය බව ජනාධිපතිවරයා එහිදී අවධාරණය කළ බව එම නිවේදනයේ වැඩිදුරටත් දැක්වේ.
ජනාධිපති මාධ්ය අංශය නිකුත් කළ සම්පූර්ණ නිවේදනය පහතින් දැක්වේ.
