“රට හදන්න එන්න කිව්වා… කවුරුත් ආවේ නෑ…“  තනියම රට හදන බව අගමැති කියයි..

• යුද්ධය ජය ගෙන අනාගතයේ විදුලිය කපන්නේ නැති රටක් හදනවා කියල වැඩ කළත් පසුගිය රජය රට ව්‍යසනයකට යැව්වා… මේ අර්බුදය එහි ප්‍රතිඵලයක්…

• පවුලේ අයට මොනතරම් අපහාස කළත් අපහාස කළත් විඳගන්න පුලුවන්… ජනාධිපතිත් එක්ක හැම තත්පරයක්ම ගත කරන්නෙ අර්බුදය විසඳන්න… දැවැන්ත වැඩපිළිවෙළකින් අර්බුදය විසඳනවා….

• තරුණයන් 60000ක් මරා දැමූ අඳුරු අතීතියට ආයෙත් රට ගෙනියන්න එපා… කාබනික වැඩ සටහන නවත්වනවා… පොහොර සහනාධාරය දෙනවා.

ජනාධිපතිවරයාත් තමනුත් මේ මොහොතේ ගත කරන සෑම තත්ත්පරයකම උත්සාහ කරන්නේ පවතින අර්බුදයට විසඳුමක් සෙවීමට බවත් තමන්ට සහ පවුලේ අයට එල්ල වන නින්දා අපහාස විඳගෙන  අදාළ අභියෝගවලට  මුහුණ දීමට තමන්ට පන්නරය තවමත් පවතින බවත් අග්‍රාමාත්‍ය මහින්ද රාජපක්ෂ පවසයි. පවතින අර්බුදය හමුවේ විශේෂ ප්‍රකාශයක් කරමින්  අග්‍රමත්‍යවරයා මේ බව කීවේය.

රට බරපතල ආගාධයකට වැටී ඇති බව පිළිගත් අගමැති මහින්ද රාජපක්ෂ   මේ මොහොතේ රට ගොඩ ගැනීම සඳහා සියලු දේශපාලන පක්ෂවලට ආරාධනය කළත් එක් පක්ෂයක්වත් ඊට නොපැමිණි බව ද ප්‍රකාශ කළේය.

ඔවුන් කවුරුන් වගකීම නොගත්තද මේ මොහොතේ රජයක ලෙස එහි වගකීම ගන්නා බව ද අවධාරණය කළ අගමැතිවරයා අර්බුදය ජය ගැනීම සඳහා දැවැන්ත වැඩපිළිවෙළක නිරතව සිටින බව ද සඳහන් කළේය.

එහිදි තවදුරටත් අදහස් දැක්වූ මහින්ද රාජපක්ෂ මෙසේ ද කීවේය.

“කොරෝනවලින් බේරගත්තත් අද බරපතල අර්බුදයකට ආර්ථිකය වැටී තිබෙනවා. තෙල් නැව මුහුදේ  බලා සිටියදී  නැව බාගන්න ඩොලර් නැති තත්තවයට පත්වෙලා තිබෙනවා. යුද්ධය ජය ගෙන අනාගතයේ විදුලිය කපන්නේ නැති රටක් හදනවා කියල වැඩ කළත් පසුගිය රජය අපේ වැඩ පිළිවෙළ ගෙන  නොගිය නිසයි අද මේ අර්බුදය ආවේ.

ඒක තමයි ඇත්ත.  කවුරු වුණත් බලයේ ඉන්න ආණ්ඩුව වගකීම බාර ගත යුතුයි පෝලිම්වල ජනතාවගේ දුක් වේදනවා අපට තේරෙනවා.

අපි පාර්ලිමෙන්කුව නියෝජනය  කරන හැම පක්ෂයටම ආරාධනය කළා රට ගොඩ ගන්න ඒත් ආවෙ නෑ. කවුරු වගකීම නොගත්තත් අපි වගකීම ගන්නවා.  තිස් වසරක මරණ බය අපි ත්‍රස්තවාදය පරදමින්  තුරන් කළේ වේදනාවකට ජනතාව පත් කරන්න නෙවේ. නවීන පාරවල් හැදුවේ පෝලිම්වල තියන්න නෙවේ.  වරාය හැදුවේ නැව්වලට පෝලිමේ ඉන්න නෙවේ. කොරෝනා මධ්‍යස්ථාන හදල  කොත්තමල්ලි කෝප්පයේ ඉඳල දීල ඔබ රැක ගත්තේ  කඳළු ගෑස් වෙඩි උණ්ඩවලට  බිලි දෙන්න නෙවේ. අපි උපරිම කැප කිරීම් කරපු ජාතියක්.

මතක කිය ගන්න… අත්හැරීමත් අහිමි වීම දේශපාලනය කරන  අපි හොඳට පුරුදුයි. අද  පාර්ලිමේන්තුවේ 225ම එපා කියනවා.  ඒ අයට  අවශ්‍ය ප්‍රජාතන්ත්‍රවාදී ක්‍රමය විනාශ කිරීම නම් එහි විපාක දැන ගත යුතුයි. පාර්ලිමේන්තු ප්‍රජාතන්තුවාදය ප්‍රතික්ෂේප කිරීම නිසා කාලයක්  පාරවල් ටයර් සෑ මත තරුණයන් දහස් ගණනක් මළ මිනි 60,000කට ආසන්න තරුණ ජීවිත අපට නැති වුණා.

ඒ අඳුරු අතීතතයට  ආයෙත් සැරයක් ගෙන යන්න එපා. අර්බුදය  ජය ගන්න දැවැන්ත වැඩ පිළිවෙළක යෙදී තියනවා. ජනාධිපතිවරයත් අපත් හැම තත්පරයක්ම ගෙවන්නේ  අර්බුදය විසඳගන්න.

මොන තරම් හොඳ  තිබුණත් කාබනික පොහොර වැඩපිළිළෙට මෙය වෙලාව නෙවේ. පොහොර සහනාධාරය යළි ලබා දෙනවා.  ඉක්මනින් මේ අර්බුදය නවත්වන්න අපි කටයුතු කරනවා.

සෑම තත්පරයකම අපේ රටට ඩොලර් ලැබෙන අවස්ථා නැති වෙනවා. මේ රට බේරා ගැනීම ශක්තිය ණය දෙන හැමෝටම අපි ආරාධනය කර තිබෙනවා.  අපි දන්නවා අසීමිත ලෙස  මටත් පවුලේ අයටත් කියල තියන නින්දා අපහාස . ඒවා අපට දරා ගන්න පුළුවන්. නමුත් රට වෙනුවෙන්   ඉන්න රාජකාරියේ ඉන්න රණ විරුවන්ට පොලිසියට අපහාස කරන්න  එපා. කොරෝනා වසංගතයෙන් ඔබ බේරා ගන්න මහා පරිත්‍යාගයක් කළේ රණ විරුවන්.

“දුවේ පුතේ ඔබේ අතේ තියන ජාතික කොඩි මේ බිමේ ඕනම තැනක ඔසවන්න පුළුවන්  රටක් හැදුවේ අපි.“යයිද ඔහු එහිදී පැවසීය