රට ආපදාවකට ලක්වී ජීවිත අහිමිව ලක්ෂ සංඛ්යාත පිරිසක් අවතැන්ව සිටියදී උත්සව අටක් පවත්වා ජයටම මගුල් කෑ හිටපු අමාත්ය ජීවන් තොණ්ඩමන් ගැන දේශපාලන ක්ෂේත්රයේ දැඩි කතා බහක් ඇතිව තිබේ.
වතුකරයේ ජනතාව ඇතුළු රටේ විවිධ ප්රදේශවල ජනතාව පණ පිටින් වැළලී රටම අවමගුල්ලක් බවට පත්වුණේ තිබූ මොහොතක මෙලෙස මඟුල් කෑ ජීවන් ගැන ඔහු නියෝජනය කරන වතුකරය තුළද දැඩි කතාබහක් නිර්මාණය වී ඇත.
හිටපු අමාත්ය ජීවන් තොණ්ඩමන්ගේ විවාහ මංගල උත්සවය පසුගියදා ඉන්දියාවේදී හින්දු චාරිත්රානුකූලව පැවැත්විණි.
ඒ සඳහා හිටපු ජනාධිපති රනිල් වික්රමසිංහ ප්රමුඛ පක්ෂ විපක්ෂ මෙරට දේශපාලනඥයින් මෙන්ම ඉන්දියාවේ දේශපාලනඥයින් හා ව්යාපාරිකයින් ඇතුළු විශාල පිරිසක් සහභාගීව සිටියහ.
ඉන්දියාවේ මදුරාසීවල පැවැති විවාහ මංගල උත්සවයෙන් පසු මෙරටට පැමිණි තොන්ඩමාන් ප්රමුඛ යුවළ පිළිගනිමින් ඒ වෙනුවෙන් උත්සව අටක් සංවිධානය කර තිබූ බව වාර්තාවේ.
හින්දු චාරිත්රානුකූලව සිදුකළ විවාහයෙන් පසු මෙරට චාරිත්රානුකූලව ද තොණ්ඩමාන් විවාහ උත්සවයක් සංවිධානය කර තිබුණේ බත්තරමුල්ලේ පිහිටි ඔහුගේ නිවසේදීය.
මෙරට සිරිත් විරිත් සහ චාරිත්රානුකූල අනුව එම උත්සවය සංවිධානය කරෙ තිබූ අතර තොණ්ඩමන්ගේ පාර්ශ්වයෙන් එම විවාහයට අත්සන් කිරීමට එහි පැමිණ සිටියේ හිටපු ජනාධිපති රනිල් වික්රමසිංහ බව දේශපාලන ආරංචි මාර්ග සඳහන් කරයි.
රනිල් වික්රමසිංහ සමග ගම්පහ දිස්ත්රික් සමගි ජන බලවේගයේ පාර්ලිමේන්තු මන්ත්රී වෛද්ය කාවින්ද ජයවර්ධන . වැලිගම සමගි ජන බලවේගයේ සංවිධායක රෙහාන් ජයවික්රම ඇතුළු දේශපාලනඥයන් සුළු පිරිසක් ඒ අවස්ථාවට සහභාගි වී සිටි බව වාර්තා වෙයි
බොහෝ පිරිසකට මෙම අවස්ථාවට සහභාගී වන ලෙස ආරාධනා කර තිබුණත් රට මුහුණපා තිබූ විපත හමුවේ එම පිරිස ඊට සහභාගි වී සිට නොමැත.
ආරංචි මාර්ග අනුව මීට සමගාමීව ගෙවුන දින කිහිපය තුළ තොණ්ඩමන්ගේ හිත මිතුරන් වෙනුවෙන් සංග්රහ කිරීම සඳහා තවත් උත්සව අටක් විවිධ ස්ථානවල සංවිධානය කර තිබූ බව ආරංචි මාර්ග පවසයි.
