ලොවපුරා වේගයෙන් පැතිර යන ඔමික්රෝන් ප්රභේදය මේවන විට ලංකාවටද ආක්රමණය කර ඇත. දැන් ලංකාව පුරාම කොවිඩ් ඔමික්රොන් ප්රභේදය ආසාදිත රෝගීන් වාර්තා වෙමින් පවතී. පාසල්ද මුලුමනින්ම විවෘතකර ඇත. නිවසේ සිට රාජකාරි කළ කාලයක අවසන්ය. කෙසේ නමුත් ඔමික්රෝන් වයිරසයෙන් බේරීමට බූස්ටර් එන්නත ලබා ගැනීමට කඩිනම් කරනලෙසට සෞඛය අංශය මහජනතාව කොතෙකුත් දැන්වත් කලද මේ වන විට එය ලබා ගෙන ඇත්තේ රටේ ජනගහනයෙන් සියයට 30කප්රමාණයකි. මේ තත්ත්වය මත අපට ඔමික්රෝන්වලට මුහුණ දීමට හැකිවෙිවිද?
මේ අප ඒ සම්බන්ධයෙන් ශ්රී ජයවර්ධනපු විශ්ව විද්යාලයේ අසාත්මිකතා ප්රතිශක්ති විද්යා සහ සෛල ජීව විදායාතනයේ අධ්යක්ෂ විශේෂඥ වෛද්ය ආචාර්ය චන්දිම ජිවන්දර මහතාගෙන් කළ විමසීමකි.
ප්රශ්නය – මේ වන විට ශ්රී ලංකාව තුළ ඔමික්රෝන් වයිරසයේ පැතිර යාමේ ප්රවනතවා කොයි වගේද?
පිළිතුර – කොවිඩ් 19 රෝගය පැතිරීම ආරම්භ වූ දින සිටම අපි සෞඛ්ය අමාත්යංශයට ජාන විශ්ලේෂණ වාර්තාවක් සෑම මාසයක් තුළම ලබා දෙනවා. මේ වර්ෂයේ පළමු වාර්තාව ඊයේ (15) දිනයේදී සෞඛ්ය සේවා අධ්යක්ෂ ජනරාල් වරයාට සහ සෞඛ්ය ලේකම්වරයාට ලබා දුන්නා. මෙහිදී අප ආසාදිතයින්ගෙන් ලබාගත් නියැදි 182ක් ජාන පරික්ෂාවට ලක් කළා. ඉන් නියැදි 160ක්ම ඔමික්රොන් වයිරසය ආසාදනය වූවන්. ඉතිරි විසි දෙදෙනාම ඩෙල්ටා ප්රභේදය ආසාදනය වූවන්.
ප්රශ්නය – මෙම නියැදි ජයවර්ධනපුර රසායනාගාරයට යොමු වුණේ කුමන ප්රදේශයන්ගෙන්ද,
පිළිතුර – අපිට මෙම නියැදි යොමුකළේ කටුනාය ගුවන්තොටුපල ආශ්රිතව පවතින රසායනාගාරවලින්
ප්රශ්නය – එම රසායනාගාරවලින් ලැබුණු නියැදි අයත්ව තිබුණු පුද්ගලයින් මොන මොන ප්රදේශවලින් හදුනා ගත් අයද?
පිළිතුර – කොළඹ, ගාල්ල, මාතර, නුවර , ගම්පහ, සහ ත්රීකුණාමලය ප්රදේශවලින් හදුනා ගත්තා අය
ප්රශ්නය – දැනට ලෝකයේ හඳුනාගෙන තිබෙන ඔමික්රොන් අනුප්රභේද සංඛ්යාව කොපමණද? ඒවා මොනවදා?
පිළිතුර – දැනට ලෝකයේ ඔමික්රෝන් අනු ප්රභේද තුනක් හඳුනාගෙන තිබෙනවා. Ba1, Ba2, Ba3 වශයෙන්
ප්රශ්නය – දැනට ලංකාව තුළ දක්නට ලැබෙන්නේ මේ කුමන අනු ප්රභේදයන්ද?
පිළිතුර – ,ලංකාව තුල . Ba1, Ba2 කියන අනු ප්රභේද දෙකම හඳුනා ගත්තා. . Ba1 කාණ්ඩයෙන් 139ත් Ba2 කාණ්ඩයෙන් සාම්පල 17 හඳුනා ගත්තා.
ප්රශ්නය – මේ ප්රභේද දෙක අතර පවතින වෙනස කුමක්ද ?
පිළිතුර – Ba 1 ප්රභේදයට වඩා Ba 2 ප්රභේදයේ ප්රතිශක්තිය මගහැර යාමේ හැකියාව වැඩියි කියලා අනුමාන කරනවා. Ba 2 කොතරම් දරුණු තත්ත්වයක් බවට පත්වෙයිද කියන එක ගැන පර්යේෂණ කරමින් පවතිනවා.
ප්රශ්නය – ඩෙල්ටා ප්රභේදයට වඩා ඔමික්රොන් ප්රභේදය සතුව පවතින ලක්ෂණවල පවතින වෙනස්කම් මොනවාද?
පිළිතුර – ඩෙල්ටා ප්රභේදයට වඩා ගද සුවද දැනීම ඔමික්රෝන ප්රභේදයේ අඩුබවක් තිබෙන බව ලොව පුරා කරන ලද පර්යේෂණයන්ගෙන් හෙලිව තිබෙනවා. උගුරේ වේදනාව ඩෙල්ටා ප්රභේදයට වඩා දරුණුවට ඔමික්රෝන් ප්රභේදයේ දක්නට ලැබෙනවා.
ප්රශ්නය – කොවිඩ් එන්නත් ඔමික්රෝන් ප්රභේදයට කෙසේ බලපෑම් ඇති කරයිද?
පිළිතුර – එන්නත් එක් මාත්රාවක් පමණක් ලබා ගත් පුද්ගලයෙකුට ඔමික්රෝන් ප්රභේදය ශරීර ගත වුවහොත් ඔහුට රෝහල් ගත වීම සියයට 54න් අඩුකරනවා. එන්නත් මාත්රා දෙකම ලබාගෙන සති 2 සති 24ත් අතර කාලයේදී සියයට 64 රෝහල් ගතවීම අඩුකරනවා. මෙය සති 25 වන විට එනම් මාස 6 පසු වූවාට පසුව ආරක්ෂාව සියයට 44 දක්වා අඩුවෙනවා.
මෙවැනි පුද්ගලයෙක් බූස්ට ඩෝස්එක ලබාගත් විට ප්රතිශක්තිය සියයට 84 දක්වා වැඩිවෙනවා.
ප්රශ්නය – ශ්රී ලංකාවේ මේ වන විට බුස්ටර් එන්නත ලබා ගෙන ඇත්තේ සියයට 30ක ප්රමාණයක් පමණයි. මේ තත්ත්වය තුළ අපිට ඔමික්රෝන්වලින් මිදී සිටිය හැකිද?
පිළිතුර – ඔමික්රොන් ප්රභේදය මේ වන විට වේගයෙන් පැතිර යනවා. එංගනන්තය, දකුණු කොරියාව වැනි රටවල්වල මේ වන විට රෝගය වේගයෙන් පැතිර යනවා. නමුත් ඔවුන්ගේ රටේ සියයට 50ට වැඩි පිරිසක් බුස්ටර් එන්නත ලබාගෙන තිබෙන නිසා දරුණු තත්ත්වයට පත්වෙන රෝගීන්ගේ සංඛ්යාවේ අඩුවක් දක්නට ලැබෙනවා. තව නොබෝ දිනකින් අප රටපුරා මෙම ප්රභේදය පැතිර යාමට හැකියි. එහෙම වුණොත් අපි බූස්ටර් එන්නත ලබා ගෙන තිබුණොත් රෝහල් ගත වීම් හා බරපතල සංකූලතාවන්ට ලක්වීම අවම කර ගත හැකිවෙයි.
ප්රශ්නය – එන්නත් මාත්රා දෙකකම ලබා ගත් පුද්ගලයින් බූස්ටර් එන්නතක් අවශ්ය වන්නේ ඇයි?
ඔමික්රෝන් ප්රභේදය වේගයෙන් පැතිරෙනවා. මෙම ප්රභේදයේ විකෘතිතා තිබෙන නිසා ශරීරය තුළ තිබෙන ප්රතිශක්තිය මගහැර යාමේ හැකියාව පවතිනවා. රෝගය ඇතිවීම වලක්වා ගැනීමට උපරිම මට්ටමේ ප්රතිශක්තියක් ශරීරය තුළ තිබිය යුතුයි. මෙහිදී වයිරසය ආසාදනය වී මියයෑම අවම කිරීම හා දරුණු රෝග තත්ත්වයන් ඇති වීම වැලැක්වෙනවා. . මාත්ර දෙකම ලබා ගත් පුද්ගලයෙක් බූස්ටර මාත්රාවත් ලබා ගත්තේ නම් ප්රතිදේහ තවත් පස්ගුණයකින් වැඩිකිරීමේ හැකියාව පවතිනවා. ඒ නිසා නව ප්රභේදයට මුහුණ දීම සදහා ශරීරය සූදාම් කිරීමට බූස්ටර් එන්නත ලබා ගැනීම වැදගත්.
එසේම බූස්ටර් එන්නත ලබා ගත් පුද්ගලයින්ට කොවිඩ් වයිරසට ශරීර ගත වුවද රෝග ලක්ෂණවල පවතින දරුණු භාවය අඩුයි. එසේම රෝග ලක්ෂණ පවතින කාලය අඩුයි. වෙනත් කෙනෙකුට බෝකිරිමේ හැකියාවත් අවමයි. රෝහල් ගත වීම හෝ මරණයට පත්වීම අඩුයි.
ප්රශ්නය – බූස්ටර් එන්නත ලබාගැනීමෙන් ඇතිවිය හැකි අතුරු ආබාධ වැඩියිද?
පිළිතුර – බූස්ටර් එන්නත ලබාගැනීමෙන් අති වෙන්නේ සුලු අතුරු ආබාධයන්. උණ, ඇගපත වේදනාව, මස්පිඩු වේදනාව වැනි ලක්ෂණයන්. නමුත් බූස්ටර් එන්නත ලබා නොගැනිම හේතුවෙන් යමෙකුට කොවිඩ් වයිරසය ආසාදනය වුවහොත් ඇතිවන සංකූලත්වන් හේතුවෙන් බරපතල තත්ත්වයන් ඇතිවෙන්න පුලුවන්.
ප්රශ්නය – ෆයිසර් එන්නත ලබා ගැනීමෙන් හෘදය ආශ්රිත ගැටලු මතුවෙන්නේද?
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
පිළිතුර – මෙම ඒන්නත සම්බන්ධයෙන් ඇතිවිය හැක්කේ ඉතාමත් සුළු තත්ත්වයක් . නමුත්කොවිඩ් 19 නිසා හෘදය ආශ්රිතව දරුණු තත්ත්වන් ඇතිවී මිය යන අවස්ථවෙන් පවා තියෙනවා. එනන්ත නිසා හෘදයාබාධ ඇතිවී මිය යෑම් වාර්තාවෙන්නේ නැති තරම්. නමුත් රෝගය නිසා හෘදයවස්තුව ආශ්රිතව සංකූලතා ඇති වෙනවා.
