අද වනවිට අම්පාර මහඔය වැලිකන්ද පොලොන්නරුව, වැලිකන්ද මහනුවර මාතලේ ප්රදේශ ඇතුළු ප්රදේශ ගණනාවක ආපදා තත්ත්වය ඊයේ දිනයට වඩා තීව්ර ලෙස ඇති වී තිබුණ ද මේ තත්ත්වය මත කිසිම දරුවෙකුට මානසිකව නොවැටෙන ලෙසත්, මේ හේතුව මත විභාගය අත් හරින්නට කිසිසේත් කල්පනා නොකරන ලෙසත් විභාග කොමසාරිස් අමිත් ජයසුන්දර විශේෂ නිවේදනයක් නිකුත් කරමින් ඉල්ලා සිටී.
ආපදා තත්ත්වය හමුවේ විභාගයට ප්රමාදවීම කිසිම ගැටලුවක් කර නොගන්නා ලෙසත් ප්රවේශ විය හැකි ලංකාවේ ඕනෑම විභාග මධ්යස්ථානයක් දරුවන් සඳහා විවෘත බවත් විභාග කොමසාරිස්වරයා පවසයි.
යම් ස්ථානය කොටුවී සිටින යම් විභාග අපේක්ෂත දරුවෙක් වේ නම් වහාම ආපදා කළමනාකරණ මධ්යස්ථානයේ 117 දුරකථන අංකයට අමතන ලෙස පවසන කොමසාරිස්වරයා එවැනි අපේක්ෂකයින් විභාග මධ්යස්ථාන වෙත යොමු කිරීම සඳහා
සම්බන්ධව ආපදා කළමනාකරණ මධ්යස්ථානය, යුද හමුදාව, පොලිසිය ඇතුළු සියලුම රජයේ නිලධාරීන් සූදානමින් සිටින බව පෙන්වා දෙයි.
පවතින තත්ත්වය තුළ තවමත් විභාග ආරම්භ කරන්න බැරි මධ්යස්ථාන වාර්තා වෙනවා. සමහර මධ්යස්ථාන ජලයෙන් යට වෙලා. ඒ වෙනුවට නව විභාග මධ්යස්ථාන පිහිටුවලා තියනවා. විභාගය ඇරඹී තිබුණත් කමක් නෑ… විභාගයට එන්න.
කිසිම අවස්ථාවක විභාගයට යන්න බැරි වෙනවා කියලා අත් හරින්න එපා. සියලු කටයුතු උපරිමව ක්රියාත්මක කරනවා. කිසි කෙනෙක් අත් හරින්න නෑ අපි. අපි නිරන්තරව දරුවො සමග රැඳී ඉන්නවා. ඔබ වෙනුවෙන් බොහෝ තීරණ අරන් තියනවා. මානසිකව ශක්තිමත් වෙන්න. තව දවසක් දෙකක් තමයි මේ තත්ත්වය පවතිනවා කියලා කාලගුණ විද්යා දෙපාර්තමේන්තුව කියලා තියෙන්නේ. මේ කාලය තුළ අපි සුරක්ෂිතව මුහුණ දෙමු. ” විභාග කොමසාරිස්වරයා පැවසුවේය.
