දිනසේන රතුගමගේ –
-
කාර්මික දෝෂයට ලක් වූ සුඛෝපභෝගී බස් රථය අලුත්වැඩියාවේ සිටිය දී වේගයෙන් පැමිණි ලොරි රථයක් රියදුරා සහ තිදෙනෙක් හප්පා දමලා… ලොරියට සහ බස් රථයට හසුවූ අය එතැනම මිය යති
යාපනය -මහනුවර ඒ -9 මාර්ගයේ මාන්කුලම පනිච්චකුලම් ප්රදේශයේ අද (26) අලුයම සිදු වූ බස් – ලොරි අනතුරකින් පුද්ගලයින් තුන් දෙනෙකු මියගොස් තවත් තුන් හතර දෙනෙකු තුවාල ලබා තිබේ.
යාපනයේ සිට කොළඹ බලා ධාවනය වන අතිසුඛෝපභෝගී බස් රථයක් අනතුර සිදු වූ ස්ථානයේදී කාර්මික දෝෂයකට ලක්ව තිබේ.
බස් රථයේ රියදුරු හා තවත් කීප දෙනෙකු බස් රථයෙන් බිමට බැස එය අලුත්වැඩියා කරමින් සිටියදී බස් රථයට පිටුපසින් අධික වේගයෙන් පැමිණි ලොරි රථයක් ගැටීම නිසා මෙම අනතුර සිදුව ඇත.
ලොරිය බස් රථයේ ගැටීමත් සමගම බස් රථය ඉදිරියට ගමන් කොට ඇති අතර ඊට රියදුරු හා තවත් පිරිසක් යට වී තිබේ.
තුවාල කරුවන් අසල්වාසීන් හා මාර්ගයේ ගමන් කළ පිරිස විසින් මාන්කුලම රෝහලට ඇතුළත් කොට ඇතත් එහිදී රියදුරු හා බස් රථය යේ ගමන් කළ යාපනයේ වැසියෙකු සහ බසය අලුත්වැඩියාවට උදව් කළ අයෙකු වශයෙන් තුන් දෙනෙකු මියගොස් ඇත.
මෙම අනතුරෙන් මියගිය අය බස් රථයට හා ලොරියට යටවීම හා තද වීම නිසා ඔවුන්ගේ සිරුරු කැබලි බවට පත්ව තිබේ.
ඉතිරි තුවාලකරුවන් හතර දෙනාගේ තත්ත්වය බරපතලක නොවන බව මාන්කුලම රෝහලේ වෛද්යවරු කියා සිටියහ.
මාන්කුලම පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
