ඉන්දියාවේ මුම්බායි හීදී 2011 වසරේ පැවැති ලෝක කුසලාන ක්රිකට් තරගාවලියේ තරග පාවා දීමක් සම්බන්ධයෙන් හිටපු ක්රීඩා ඇමතිවරයකු වන මහින්දානන්ද අලුත්ගමගේ විසින් කළ ආන්දෝලනාත්මක ප්රකාශයට අනුව එම තරගාවලියට සහභාගි වූ සියළුම ක්රීකට් ක්රීඩකයන්ගෙන් සහ නිලධාරීන්ගෙන් ප්රශ්න කිරීමට ඒ සම්බන්ධයෙන් විමර්ශන පවත්වන ක්රිඩා සම්බන්ධ වැරදි විමර්ශනය කරන විශේෂ ඒකකය බලාපොරොත්තු වෙයි.
ඒ අනුව 2011 ලෝක කුසලාන ක්රිකට් තරගාවලියට නම් කළ සහභාගී වූ සහ නොවූ සියලුම ක්රීඩකයන්ගේත් නිලධාරීන්ගේත් නාම ලේඛනයක් ශ්රී ලංකා ක්රිකට් ආයතනයෙන් ලබාගැනීමට මේ වන විටත් කටයුතු කර ඇති බව වාර්තා වේ. හිටපු ඇමති මහින්දානන්ද අලුත්ගමගේ තරග පාවා දීම සම්බන්ධයෙන් වූ සුවිශේෂි කාරණා කිහිපයක් විමර්ශන කණ්ඩායම හමුවේ මතුකර ඇති අතර ඔහු ඒ සම්බන්ධයෙන් මාධ්ය වාර්තා රැසක්ද ලබාදී තිබේ.
ක්රීඩා වැරදි සම්බන්ධයෙන් වූ විමර්ශන පැවැත්වීම සඳහා ක්රීඩා අමාත්යාංශය යටතේ වෙනම විමර්ශන ඒකකයක් ස්ථාපිත කෙරන්නේ මෙම වසර මුලදීය. ඒ 2019 වසරේ අංක 24 දරණ පනතිනි. තරග පාවාදීමක් සිදුව ඇති බව කියන ලෝක කුසලාන ක්රිකට් තරගාවලිය පැවැත්වී ඇත්තේ එම පනත සම්මතවීමට පෙර බැවින් නීතිය ක්රියාත්මක කිරීමට සිදුවන්නේ වෙනත් නීති ප්රතිපාදන මත බව වාර්තා වේ.