එළිසබත් රැජනගේ අභාවය පිළිබඳව අස්ගිරි මහා නායක හිමියෝ ශෝකය පල කරති. මෙම ශෝකජනක මොහොතේ තුන්වන චාල්ස් රජු ඇතුළු මහා බ්රිතාන්යයේ රාජකීය පවුලේ සාමාජිකයින්ට සහ මහා බ්රිතාන්යයේ වැසියන්ට බලවත් සංවේගය ප්රකාශ කරන බව ද අස්ගිරි මහා නායක හිමියෝ තවදුරටත් දන්වති.
මහානායක හිමියන් ඒ බව දන්වා ශ්රී ලංකාවේ බ්රිතාන්යය මහ කොමසාරිස් සාරා හට්න් (Sarah Hutton) වෙත යොමුකළ ශෝක පණිවිඩයේ මෙසේද සඳහන් වෙයි.
දෙවන එලිසබෙත් රැජිනගේ අභාවය පිළිබඳව බකිංහැම් මාලිගයේ නිල නිවේදනය ඔස්සේ දැනගැනීමෙන් ශ්රී ලාංකීය ජනතාව මහත් ශෝකයට පත්විය.
මහා බ්රිතාන්යය සහ ශ්රී ලංකාව අතර පවත්නා ද්විපාර්ශ්වික සබඳතා වලට දීරීඝ ඉතිහාසයක් තිබේ. මහා බ්රිතාන්යය අද පවතින අති නවීන රාජ්යයක් ලෙස ගොඩනැන්වීමේදී ලබාදුන් දායකත්වය තුළින් මහ රැජන ගේ ශ්රේෂ්ඨත්වය පිළිඹිබු විය.
පොදුරාජ්ය මණ්ඩලයේ නායිකාව ලෙස ඇය ලොව සියලුම නායකයින්ට ආදර්ශයක් ලබා දුන්නාය. 1954 දී හා 1981 දී මෙරට කළ සංචාරය අතර තුර ඇය දළදා මාලිගාවට ද පැමිණි අවස්ථා අපගේ මතකයේ තිබේ.
මෙම ශෝකජනක මොහොතේ තුන්වන චාල්ස් රජු ඇතුළු මහා බ්රිතාන්යයේ රාජකීය පවුලේ සාමාජිකයින්ට සහ මහා බ්රිතාන්යයේ වැසියන්ට බලවත් සංවේගය අපි පළ කරමු.
එම ශෝක පණිවිඩය පහත දැක්වේ.
