ජනතාව ඒකරාශී වීමට අවස්ථා සැලසීම මගින් දැනට ලබා ඇති රෝග පාලනය ගිලිහි යාමට ඉඩනොදිය යුතු බව විශේෂඥ වෛද්යවරුන්ගේ සංගමය රජයට අවධාරණය කරයි.
නිවේදනයක් නිකුත් කරමින් එම සංගමය පෙන්වා දෙන්නේ ජනතාව මේ මොහොතේ මත්පැන් භාවිතයේ භයානකකම ද යළිත් අවධාරණය කරන බවයි.
මීට පෙර අවස්ථාවක ‘ පැණි’ ලබා ගැනීමට වසංගතය නොතකා රැස්වූ ජනතාව, මෙවැනි අවස්ථාව ලබාදීම තුළින් මත්පැන් හල් ඉදිරිපිටද පොකුරු ඇති කරනු ඇත එම සංගමය පෙන්වා දෙයි.
එම නිවේදනයේ මෙසේද සඳහන්ය.
“අති භයානක කොරෝනා ඩෙල්ටා ප්රභේදයේ පාලනය සඳහා රජය විසින් පනවා ඇති සංචරණ සීමා දැඩි ලෙස කඩ කරමින් ජනතාව මද්යසාර ලබා ගැනීම සඳහා නොඉවසිල්ලෙන් පෝලිම්වල සිටින අයුරු අපි ඊයේ අපූරුවට දැක්කෙමු.
මත්පැන් පරිහරණය කිරීමෙන් ඇතිවන භයානක ප්රතිඵල අප විසින් යලිත් අවධාරණය කරන අතර රජයේ භාණ්ඩාගාරයට අවශ්ය මුදල් උපයා ගැනීමට රජයට ඇති අවශ්යතාව මෙන්ම බලයලත් මද්යසාර වෙළදුන්ගේ හා පාරිභෝගික අයිතිවාසිකම් නොසලකා සිටිය යුතු බව අපගේ අදහස නොවේ.
කෙසේ වුවද වෘත්තියමය සංවිධානයක් ලෙස රෝග පාලනයේ යම් ප්රගතියක් දක්නට හැකි මෙම අවස්ථාවේදී මෙම ජනයා එක් රැස්වීමේ ක්රියාවලිය නිසා රෝග පාලනය සඳහා ඇති විය හැකි අනර්ථය රජයට පෙන්වා දීම අප දැන් සිටින මෙම සංවේදී අවස්ථාවේදී අපගේ යුතුකමක් ලෙස අපි දකිමු.
මද්යසාර ලබාගැනීමට පුද්ගලයන් එකිනෙකාට ඉතා ලං ලංව ගැටීම තවත් රෝගීන් පොකුරක් ඇති කිරීමට නැවත ප්රධාන හේතුවක් චිය හැක. මෙම තත්වය අප විසින් මින් පෙර ද අත්දුටු “පැණි” ලබා ගැනීම සඳහා ජනතාව එකිනෙකා පරයමින් සිටි අයුරු සිහිපත් කරවයි.
අප මෙහිදී රජයට අවධාරණය කරන්නේ මෙවැනි මහජන ගැවසීම් වැඩි වන තත්ත්වයක් යටනේ රටේ වැඩි ජනතාවකට ඇතිවිය හැකි ව්යසනය වළක්වා පාරිභෝගිකයන්ට ඔවුන්ගේ අවශ්යතා ලබා දීමට නිසි වැඩ පිළිවෙලක් දියත් කරන ලෙසයි.
අවසාන වශයෙන් අපගේ ආයාචනය වන්නේ ජනතාව පොදුවේ ඒකරාශී වීම මෙම ඉතා අනතුරුදායක අවස්ථාවේදී හැකි තරම් අවම කිරීමට පියවර නොගැනීම මගින් දැඩි ජනතා කැපවීම මත අප දැනට ලබා ඇති රෝග පාලනය අප අතින් ගිලිහි යාමට අප කිසි සේත් ඉඩනොදිය යුතු බවයි.”
