බූස්ස බන්ධනාගාරය තුළ දී පොලිස්පති දේශබන්දු තෙන්නකෝන් පාතාල අපරාධකරුවෙක් ලවා ඝාතනය කිරීමට සැලසුම් කර ඇතැයි ලැබුණු පැමිණිල්ලට අදාලව විමර්ශන කටයුතු තවමත් ක්රියාත්මක බව මහජන ආරක්ෂක අමාත්ය ආනන්ද විජේපාල අද (20) පාර්ලිමේන්තුවට කීවේය.
දේශබන්දු තෙන්නකෝන් ඝාතනය කිරීමට සැලසුම් කර ඇති බවට වූ තොරතුර ලැබී තිබුණේ පොලිස්පතිවරයාගේ පුද්ගලික සහකාර වූ ජ්යෙෂ්ඨ පොලිස් අධිකාරී සීසී බමුණුආරච්චි. වෙතය. ඔහු විසින් මෙම දුරකථන ඇමතුම සම්බන්ධව 2025.05.01 පැමිණිල්ලක් කර තිබිණි. ඒ සම්බන්ධව අමාත්යවරයා මෙසේ ප්රකාශ කළේය. .
“පොලිස්පතිවරයාගේ පුද්ගලික සහකාර වූ ජ්යෙෂ්ඨ පොලිස් අධිකාරී සීසී බමුණුආරච්චි මහතාගේ ජංගම දුරකථනයට උපාලි සමරකෝන් නමින් හඳුන්වනු ලබන පුද්ගලයෙක් විසින් දැනට වැඩ තහනමට ලක් වී සිටින පොලිස්පති දේශබන්දු තෙන්නකොන් ඝාතනය කිරීම සඳහා ඩුබායි රටේ සැඟව සිටින කංජිපානි ඉම්රාන් නැමැති සංවිධානාත්මක අපරාධකරුවෙක් විසින් බූස්ස බන්ධනාගාරයේ රඳවා සිටින බී. සමන් කුමාර නොහොත් අයි.ඩී.එච් සුද්දා නැමැත්තාට ඝාතන කොන්ත්රාත්තුවක් ලබා දී ඇති බවට ලැබුණ දුරකථන ඇමතුමක් ඔස්සේ විමර්ශන ආරම්භ කළා. ”
එම දුරකථන ඇමතුමට අදාල අංකය සම්බන්ධව විශ්ලේෂණ වාර්තා ලබාගෙන තියනවා. මේ සිදුවීම සම්බන්ධයෙන් කොටුව මහේස්ත්රාත් අධිකරණයට බී 39554/25 යටතේ කරුණු වාර්තා කර බූස්ස බන්ධනාගාරයේ බී සමන්කුමාර නොහොත් අයිඩීඑච් සුද්දා නැමැති රැඳවියෙක් සිටිනවාද යන්න පරීක්ෂා කර ප්රකාශ සටහන් කරගැනීමට අධිකරණ නියෝග ලබාගෙන තියනවා.
ඉදිරි විමර්ශන කටයුතු කරමින් සිටිනවා. අමාත්යවරයා පැවසුවේය.
