රජයේ රෝහලක ඇසේ සුද ඉවත් කිරීමේ සැත්කම්වලින් පසු භාවිත කරන ‘ප්රෙඩ්නිසොලෝන් ඇසිටේටේන්’ අක්ෂි බිංදු භාවිතය හේතුවෙන් සදාකාලික පෙනීම අහිමි වූ රෝගීන් තිදෙනෙකු හිටපු සෞඛ්ය අමාත්ය කෙහෙළිය රඹුක්වැල්ල ඇතුළු තවත් වග උත්තරකරුවන් දස දෙනෙකුගෙන් රුපියල් මිලියන 300ක් ඉල්ලා කොළඹ දිසා අධිකරණය හමුවේ අද නඩු පවරා ඇත.
කෙහෙළිය රඹුක්වැල්ල, ජානක චන්ද්රගුප්ත, ජාතික ඖෂධ නියාමන අධිකාරිය, මහාචාර්ය එස්.ඩී. ජයරත්න, වෛද්ය විජිත් ගුණසේකර, වෛද්ය අසේල ගුණවර්ධන, වෛද්ය රොහාන් එදිරිසිංහ, වෛද්ය මහේන්ද්ර සෙනෙවිරත්න, යක්කල චමී කෙමිස්ට් (පුද්ගලික) සමාගම, ඉන්දියානා ඔෆ්තාල්මික්ස් එල්එල්පී සහ නීතිපති මෙම පැමිණිලිවල විත්තිකරුවන් ලෙස නම් කර ඇත.
තමා නුවරඑළිය මහ රෝහලට ඇතුළත් කර නුවරඑළිය මහ රෝහලේ වෛද්ය කාර්ය මණ්ඩලය විසින් 2023 අප්රේල් 05 වැනි දින ඇසේ සුද ඉවත් කිරීමේ ශල්යකර්මයකට භාජනය කළ බව කඳපොළ ප්රදේශයේ පදිංචි පැමිණිලිකරු මක්කාරි රාජරත්නම් සිය පැමිණිල්ලේ සඳහන් කළේය.
ඉන් අනතුරුව ශල්යකර්මය නිමවා 2023 අප්රේල් 06 දින තමා නිදහස් වූ බවත්, ඉන්දියානා ඔප්තාල්මික්ස් එල්එල්පී ඉන්ඩියා විසින් නිෂ්පාදනය කරන ලද ප්රෙඩ්නිසොලෝන් ඇසිටේට් අක්ෂි බිංදු භාවිතා කරන ලෙස නුවරඑළිය රෝහලේ වෛද්ය කාර්ය මණ්ඩලය උපදෙස් දුන් බවත්, යථා තත්ත්වයට පත්වීමට සහ පසු රැකවරණය සඳහා එම ඖෂධය රෝහලෙන් ද ලබා දුන් බවත් පැමිණිලිකරු සඳහන් කළේය.
ඉහත කී අක්ෂි බිංදු කිහිපයක් යෙදීමෙන් පසු 2023 අප්රේල් 19 හෝ ඊට ආසන්න දිනකදී ඔහුට කඳුළු, අපහසුතා, වේදනාව සහ හිසරදය ඇති වූ බව ඔහු වැඩිදුරටත් සඳහන් කළේය.
2023 මැයි 10 වැනි දින තමන් වැඩිදුර වෛද්ය පරීක්ෂණ සඳහා ජාතික අක්ෂි රෝහලට ඇතුළත් කළ බවත් ප්රෙඩ්නිසොලෝන් ඇසිටේට් අක්ෂි බිංදු සමඟ සැත්කමට ලක් කළ ඇසේ ක්රමයෙන් පෙනීම නැති වී යන බව නිරීක්ෂණය වුන බවත් වින්දිතයා කීවේය.
ප්රෙඩ්නිසොලෝන් ඇසිටේට් අක්ෂි බිංදු සැත්කම් කර ප්රතිකාර කළ ඔහුට ක්රමක්රමයෙන් ඇසේ පෙනීම අඩුවෙමින් පවතින බව නිරීක්ෂණය වූ බව පැමිණිලිකරු වැඩිදුරටත් සඳහන් කළේ
එහිදී ඖෂධ්ය සම්බන්ධ කරන ලද පරීක්ෂණවලට අනුව එම අක්ෂි බිංදු ප්රමිතියෙන් තොර බවත් එම ඖෂධය භාවිත කළ රෝගීන්ට එන්ඩොෆ්තැනයිටිස් රෝගය වැළඳී ඇති බවත් වින්දිතයා ගේ ප්රකාශයේ වැඩි දුරටත් සඳහන් වන්නේය.
විත්තිකරුවන් එකොළොස් දෙනාගෙන් වන්දි ඉල්ලා ඉන්වික්ටස් නීති ආයතනයේ නීතිඥ සම්පත් විජේවර්ධන, තමාලි කුරුප්පු සහ ප්රවින්කා රත්නසේකර මාර්ගයෙන් පැමිණිලිකරු මෙම නඩුව ගොනු කර තිබේ.
