දිනසේන රතුගමගේ –
පොලිස් නිලධාරීන් දෙදෙනෙකුට වීදුරු බෝතලයකින් පහර දී පලා ගිය තරුණයින් තුන් දෙනෙකු ධර්මපුරම් පොලීසිය විසින් අත් අඩංගුවට ගෙන තිබේ. මෙම අත්අඩංගුවට ගැනීම ඊයේ දිනයේ දී සිදුකර ඇත.
වාර්තාවන පරිදි සිද්ධිය මෙසේය.
කිළිනොච්චිය පරන්තන් මාර්ගයේ වාහන පරීක්ෂා කරමින් සිටි පොලිස් නිලධාරීන් දෙදෙනෙකුට හිස්වැසුම් නොමැතිව එක යතුරු පැදියක ගමන් කරමින් සිටි තරුණයින් තුන් දෙනෙකු හමු වී තිබේ.
හිස් වැසුම් නොපැළඳ යතුරු පැදියේ ගමන් කිරීම වරදක් බව පවසා ඔවුන්ට එරෙහිව නීතිය ක්රියාත්මක කිරීමට ගිය අවස්ථාවේදී තරුණයින් තුන් දෙනා ගෙන් එක් අයෙකු අත තිබූ වීදුරු බෝතලයකින් පොලිස් නිලධාරීන්ට පහර දී පලා ගොස් ඇත.
පසුව කළ සෝදීසියකදී තරුණයින් තුන් දෙනා අත් අඩංගුවට ගෙන තිබේ.
ඔවුන් තුන් දෙනාම දැඩි ලෙස බීමත්ව සිටි බව ධර්මපුරම් පොලීසිය ප්රකාශ කළේය.
සැකකරුවන් තුන් දෙනා කිළිනොච්චිය අධිකරණයට ඉදිරිපත් කිරීමට පොලීසිය පියවර ගෙන තිබේ.
