හක්මණ – නිරෝෂා නිල්මිණි.
වැලිගම, උඩුකාව ප්රදේශයේ පදිංචි ජාතික ජන බලවේග නියෝජනය කරන වැලිගම ප්රාදේශීය සභා මන්ත්රීවරයෙකුගේ නිවසට අද අළුයම වෙඩි ප්රහාරයක් එල්ල වී තිබේ.
මෙම වෙඩි ප්රහාරය එල්ල වී ඇත්තේ වැලිගම ප්රාදේශීය සභාවේ ජාතික ජන බලවේග මන්ත්රී නීතිඥ තාරක නානායක්කාරගේ නිවසට බව පොලිසිය පවසයි.
අද අලුයම 4.45ට පමණ යතුරු පැදියකින් පැමිණි නාඳුනන පුද්ගලයින් දෙදෙනෙකු විසින් මෙම වෙඩි ප්රහාරය එල්ල කර පලාගොස් ඇත්තේ මරණ තර්ජන හේතුවෙන් එම මන්ත්රීවරයාගේ නිවසට පොලිස් ආරක්ෂාව ද ලබාගෙන ඇති අවස්ථාවකය. වෙඩි ප්රහාරය එල්ලවන අවස්ථාවේ දී නීතිඥ තාරක නානායක්කාර දරුවන් සමඟ තෙලිජ්ජවිල එම නිවසේ රැඳී සිට ඇත.
ගේට්ටුවට වෙඩි තබා පලා යන වෙඩිකරුවන් වෙත පොලීසියෙන්ද වෙඩි තබා ඇති නමුත් එම වෙඩි පහර අතරින් වෙඩික්කරුවන් නිරුපද්රිතව පලා ගොස් තිබේ.
මෙම වෙඩි හුවමාරුවේ දී කිසිවෙකුට අනතුරක් සිදුවී නැත. වෙඩි තැබීමෙන් ගේට්ටුව සිදුරු වී ඇති අතර වෙඩි වැදුන ස්ථාන 10 ක් මේ වනවිට පොලිසිය විසින් සලකුණු කර ඇත.
මේ වනවිට මාතර කොට්ඨාශ අපරාධ විමර්ෂණ ඒකකයේ නිලධාරීන් විමර්ශණ කටයුතු සිදු කරයි.
