ශ්රියානි විජේසිංහ-
පෙරහැරවල අලි ඇතුන් ගමන් කිරීම නතර කිරීමේ කූඨ උත්සාහයක් මේ වන විට දියත් වෙමින් පවතින බැවින් ඒ පිලිබඳව වඩාත් කල්පනාකාරීව කටයුතු කළ යුතු යැයි පේරාදෙණිය විශ්වවිද්යාලයේ පශු වෛද්ය පීඨයේ මහාචාර්ය අශෝක දංගොල්ල සඳහන් කරයි.
මේ පිලිබඳව වගකිවයුතු පාර්ශ්ව ගණනාවකට දැනුම් දුන්නද ඉන් පලක් නොවු බවද පෙන්වා දෙන මහාචාර්යවරයා ඇතැම් අවස්ථාවන්වලදී අලි ඇතුන් විදෙස් රටවල් වෙත යැවීමට මෙරට ඇතැම් පුද්ගලයින්ද උදව් කරන බව හෙතෙම පැවසුවේය.
තායිලන්තයෙන් මෙරටට ලබා දුන් අලි ඇතුන් අතර දැනට සිටිනුයේ ඳළදා මාළිගාවේ සහ කැළණි රජමහා විහාරයේ සිටින ඇතුන් දෙදෙනා පමණක් බවත් ඔවුන්වද එරටට ගෙන්වා ගැනීමේ දැඩි උත්සාහයක තායිලන්තයේ රාජ්ය නොවන සංවිධාන සිටින බවත් ඔහු පැවසුවේය.
කෙසේ නමුත් පසුගියදා පැවති දළදා පෙරහැර නැරඹීමට තායිලන්තයේ දූත පිරිසක් පැමිණ ඇති අතර එම පිරිස මහචාර්යවරයා සමඟ අලි ඇතුන්ගේ චර්යාවන්, ඔවුන්ගේ ආහාර රටාවන්, කායිකව සිදුවන වෙනසකම් ආදිය සියලුම දේ පිලිබදව දීර්ඝ වශයෙන් සාකච්ඡා කර ඇති අතර එම සාකච්ඡාවේ අවසාන තීරණය වන්නේ අපගේ සංස්කෘතික මංගල්යයක් වන පෙරහැර මංගල්යෙයන් අලි ඇතුන් ඉවත් කිරිම යැයි මහාචාර්යවරයා පැවසුවේය.
ඇතෙකු මද කිපුණු පසුව ඔහුට ප්රතිකාරයන් ලබා දි එම ස්වාභාවික සංසිද්ධිය අඩාල කිරීම තායි රටතුළ ක්රියාත්මක වන වැඩ පිළිවෙළක් වුවද මෙරට තුල එවැනි සංසිද්ධීන් ක්රියාත්මක නොවන අතර එය ස්භාව ධර්මයට භාරදී කටයුතු කිරීම අපගේ සිරිත යැයි මහාචාර් දංගොල්ල කීවේය.
තායිලන්තයේ දොළොස්වන වරට පැවැත්වෙන අලි ඇතුන් පිලිබඳ සමුළුවට සහභාගි වීම සඳහා මෙරට නිලධාරීන් කණ්ඩායමක් ඊයේ (24) රාත්රියේදී තායිලන්තය බලා පිටත්ව ගොස් ඇති බවත් එම කණ්ඩායමේ ප්රධානියා ලෙස මහාචාර්ය අශෝක දංගොල්ල ක්රියාකරනු ඇති බවත් සඳහන් වේ.
මෙම සමුළුවේදී අලි ඇතුන් සහ ශ්රී ලංකාවේ සංස්කෘතිය අතර පවතින බැදීම සහ අලි ඇතුන්ට බෙහෙත් කරන අන්දම පිලිබඳව දේශන දෙකක් පැවැත්වීමට මහචාර්ය දංගොල්ලට ඇරයුම් කර තිබේ.
