ලලිත් චාමින්ද –
දක්ෂිණ අධිවේගී මාර්ගයේ පින්නදුව සහ ඉමදූව අතර පිහිටි රංගොඩ කන්ද නාය යෑමට ලක් වීමෙන් එම ප්රදේශයෙන් අධිවේගී මාර්ගය සම්පූර්ණයෙන්ම වැසී ගොස් ඇත.
අද රාත්රී 7:.25ට පමණ රංගොඩකන්ද නායයාමට ලක්ව ඇත. කන්ද නායයාමක් සමග මීටර් 500ක් පමණ දුරට පස් කන්දකඩා ගෙනැවිත් ඇති අතර එම ප්රදේශයෙන් අධිවේගී මාර්ගය සම්පූර්ණයෙන්ම අවහිර වී ඇත.
අධිවේගී මාර්ගයේ දෙපස වෙන් කිරීමට ඇති කණු ද කඩා ගෙන පැමිණි පස් කන්ද මාර්ගයේ කිලෝමීටර් 102 කණුව අසල පතිත වීමෙන් විශාල ප්රදේශයක් දැවැන්ත පස් තට්ටුවකින් ආවරණය වී තිබේ.
මේ වනවිට ඉමදුව සහ පින්නදුව අතර ප්රදේශයේ වාහන ධාවනය නතර කොට ඇත. පස් කන්ද නාය නාය යන අවස්ථාවේ එම ස්ථානය පසුකර යමින් සිටි විශේෂ කාර්ය බලකායේ සෙබළුන් පස් දෙනකු තුවාල ලබා ගාල්ල කරාපිටිය ශික්ෂණ රෝහලට ඇතුළත් කොට තිබේ.
ඔවුන්ගේ සපත්තු සහ කැප් තොප්පි එම ස්ථානයේ තැනින් තැන විසිරී තිබෙනු දැකිය හැකි විය.
