අල්ලස් හෝ දූෂණ චෝදනා විමර්ශන කොමිසම විසින් අද (12) උදෑසන අත්අඩංගුවට ගත් හිටපු අමාත්ය ප්රසන්න රණතුංග කොළඹ මහේස්ත්රාත් අධිකරණයේ නියෝගයක් මත ඇප මත මුදා හැර තිබේ.
සංචාරක අමාත්යවරයා ලෙස කටයුතු කළ කාලය තුළ සිදු වූ ප්රධාන මූල්ය අක්රමිකතාවක් සම්බන්ධයෙන් සිදු කරන ලද පරීක්ෂණයකින් පසුව, අල්ලස් හෝ දූෂණ චෝදනා විමර්ශන කොමිසමේ නිලධාරීන් විසින් හිටපු අමාත්ය ප්රසන්න රණතුංග අත්අඩංගුවට ගන්නා ලදී.
2021 දී සංචාරක අමාත්යාංශය යටතේ ඇති ශ්රී ලංකා සංචාරක සංවර්ධන අධිකාරිය ශ්රී ලංකා සංචාරක ප්රවර්ධන කාර්යාංශය ශ්රී ලංකා හෝටල් කළමනාකරණ ආයතනය ශ්රී ලංකා සම්මේලන කාර්යාංශය යන ආයතන හතරක සේවකයින් සඳහා සෘජු වෛද්ය රක්ෂණ කටයුතු සඳහා ප්රසන්න රණතුංග නීති විරෝධී ලෙස පෞද්ගලික තැරැව්කාර සමාගමක් පත් කළ බවට එල්ල වන චෝදනා මෙම විමර්ශනයේ කේන්ද්රීය නිමිත්ත වී තිබේ.
මෙම තීරණය හේතුවෙන් ශ්රී ලංකා රක්ෂණ සංස්ථාවට රුපියල් 4,750,828.72 ක පාඩුවක් සිදු වූ බවට චෝදනා එල්ල වි ඇත.
ප්රකාශයක් ලබා දීම සඳහා කොමිසම හමුවේ පෙනී සිටීමෙන් පසු ඔහුව අත්අඩංගුවට ගෙන තිබිණි.
