නව කැබිනට් මණ්ඩලය පත් කළ පසු පැවැත්වෙන පළමු පාර්ලිමේන්තු සැසියට කැබිනට් ඇමතිවරු හතර දෙනෙක්වත් නොමැති වීම සම්බන්ධව හිටපු අගමැති රනිල් වික්රමසිංහ අද (19) සිය කණගාටුව ප්රකාශ කළේය.
“අද අලුත් කැබිනට් මණ්ඩලයේ පළවෙනි දවස. අද දවසේ ඇමතිවරු හතරදෙනෙක් මෙතන නැතිනම් ඊට පස්සේ කී දෙනෙක් එනව ද?. එක් ඇමතිවරයෙක් වොෂින්ටන් ඉන්නවා. මම ඒක පිළිගන්නවා. මං කියන්නෙ අපි මේ පාර්ලිමේන්තුවට ගරු කරනවා නම් කරුණාකරලා විපක්ෂයට තැනක් තියනවා නම් ඇමතිවරු ඇවිත් පිළිතුරු දෙන්න කියලා මම කියන්න කැමතියි.“
“ගිය සතිය වගේ ආපහු කළොත් ඔවුන් මෙතෙන්ට එන්නෙ. මතක තියාගන්න… විජයබාකොල්ලයෙ රජමාලිගාව වගේ අපට මේක හැමදාම ආරක්ෂා කරන්න බෑ. අපට මේ භූමියේ ගෞරවය ආරක්ෂා කරන්න පුලුවන් අපේ ක්රියාවෙන් පමණයි. “
මූල්ය පාලනය පාර්ලිමේන්තුව තුළ ස්ථාවර කිරීම සඳහා හිටපු අගමැතිවරයා කෙටුම්පතක් ඉදිරිපත් කරමින් කීවේ කමිටුවල බලතල වැඩි කරන ලෙසය ප්රාග්ධන වියදම් අඩු කිරීම, රජයේ ඉඩම් අනේක දේපල විකිණීම නැවැත්වීම, එසේ විකුණන්නේ නම් ඒ බව පාර්ලිමේන්තුටව දැන්වීම ගැනද ඔහු අවධාරණය කළේය. ,
ආර්ථික කළමනාකරණය සදහා නව කමිටු කීපයක් බලගන්වන ලෙස ඉල්ලා සිටි හිටපු අගමැතිවරයා අධීක්ෂණ කමිටු 20 බලගන්වන ලෙස කීවේය. මහබැංකුවට පාර්ලිමේන්තු අවසරයකින් තොරව මුදල් මුද්රණය කිරීම නවත්වන ලෙසත්, අයවැය කාර්යාලයක් පාර්ලිමේන්තුවේ පිහිටුවන ලෙසත්, තේරූම් කාරක සභා දෙකක අවශ්යතාවයත් හිටපු අගමැතිවරයා මතු කළේය.
නවසීලන්තයේ එක්සත් රාජධානියේ තුර්කියෙ නීති ආදර්ශ සහිතව නව තේරුම් කාරක සභාවක් පිහිටුවන ලෙස යෝජනා කළ හිටපු අගමැතිවරයා මෙම කමිටු ක්රමය පුලුල්ව බලගැන්වුවහොත් ඒ සඳහා ගෝල්ෆේස් තරුණ නායකත්වය ද එක් කරගත හැකි බව ඔහු ප්රකාශක කළේය.
“මේ කොමිටි ක්රමය ගෙනාවොත් මේ මන්ත්රීවරු ගණනාවක් ඉන්නවා. ගෝල්ෆේස් තරුණ නායකයො මෙතෙන්ට ගෙන්වමු. මේ කමිටුවලට ගෙන්වමු. ඔවුන් දැන් කෑ ගහන්නෙ ජනාධිපතිවරයාට විතරක් නොවෙයි. 225ම එපා කියලා. ඒ තරුණයින් පාරට බැහැලා ඉන්නේ අපේ වැරැද්දෙන්.“
“මේ තරුණ තරුණියන් සම්බන්ධව අපට එක යුතුකමක් කියනවා. ඔවුන් අතීතයෙ වාගෙ අවි ආයුද අතට ගත්තෙ නෑ. කැරළි ගැහුවෙ නෑ. සාමකාමීව ඔවුන් කියන්නෙ ව්යවස්ථාවෙන් විසඳුමක් හොයන්න. මේ පාර්ලිමේන්තුවට කියන්නෙ ව්යවස්ථාවෙන් එය ඉටුකරන්න කියලා. “
“මේ සභාවෙ අපි සියලු දෙනාම ඒ තරුණ තරුණියන්ගේ හඬට ගරු කරන්න ඕන. මේ ඒ ගොල්ලනගේ අනාගතය. අපේ අනාගතය ඉවරයි. ඒ අයට අයිතියක් තියනවා මෙතෙන්ට එන්න. ඒ අදහස් ගන්න. අපි ආණ්ඩුවට කියන්නේ මේ කතාව අපට විතරක් කතා කරලා බේරගන්න බෑ. කරුණාකරලා ඒ තරුණ තරුණියන්ගේ අදහස්වලට රටේ පීඩනයෙන් යටත් වෙලා තියන ජනතාවගෙ හඬට ඇහුම්කන් දීලා විසඳුමක් ලබා ගන්න කියලා මං ඔබ සියලු දෙනාටම කියනවා.“
