නොපැවැත්වූ පළාත් පාලන මැතිවරණය සඳහා මැතිවරණ වියදම් ලෙස රුපියල් හැටපන් කෝටි, පනස්ලක්ෂ, අනුහයදහස් දෙසියවිසිහයක මුදලක් (655,096,226) මැතිවරණ කොමිසම් සභාව විසින් වැයකොට ඇති බව ජාතික විගණන කාර්යාලය මගින් නිකුත්කොට ඇති වාර්තාවක සඳහන් වේ.
2023 වර්ෂයේ සැප්තැම්බර් මස 30 වැනිදන වනවිට රුපියල් එක්කෝටි පනස් නව ලක්ෂ, තිස්තුන් දහස්, හාරසිය හැත්තෑ දෙකක මුදලක් (15,933,472) තවදුරටත් ගෙවිය යුතු වියදම් ලෙස පැවති බව විගණන වාර්තාවේ සදහන් වේ.
මැතිවරණ වියදමින් සියයට 15ක්, අතිකාල හා නිවාඩු දින වැටුප් සදහාද, සියයට 23ක් ලිපිද්රව්ය මිලදි ගැනිමටද, සියයට හතක් ඉන්ධන සදහාද, සියයට 31ක් මුද්රණ කටයුතු සදහාද, සියයට හතක් සංග්රහ කටයුතු සහ සියයට හතරක් පොලිස් දේපාර්තමේන්තුවේ කටයුතු සදහා වියදම්කොට තිබුණි. අ
නිකුත් වියදම් සදහා සියයට 13ක මුදලක් වැයකොට ඇත.
පළාත් පාලන ආයතනවල ධුරකාලය 2023 මාර්තු මස 19 දිනෙන් අවසන් වු අතර අදාල නාම යෝජනා දැන්විම 2023 ජනවාරි මස 04 වැනිදින ප්රදර්ශනය කරතිබුණි.
ඡන්දවිමසිම පැවැත්වෙන දිනයන් හා ඒවා අවලංගුවිමට අදාලව ගැසට්පත්ර තුනක් නිකුත් කර තිබු බවද විගණන වාර්තාවේ සදහන් වේ.
මැතිවරණ කොමිසම් සභාව සම්බන්දයෙන් 2023 වර්ෂයට අදාලව නිකුත්කොට ඇති කාර්ය සාධන වාර්තාවට ඇතුළත්ව ඇති විගණන වාර්තාවේ මෙම තොරතුරු සඳහන්ව ඇත.
