දිනසේන රතුගමගේ –
අනවසරයෙන් යාපනය කච්චතීව් මුහුදු තීරයේ මසුන් මරමින් සිටි ඉන්දීය ධීවරයින් පස් දෙනෙකු නාවික හමුදාවේ යාත්රාවක් දැක බියට පත්ව 20 දා අලුයම මුහුදට පැන තිබේ.
පසුව ඊට ආසන්නයේ තිබූ තවත් ඉන්දීය යාත්රාවක සිටි ධීවරයින් පිරිසක් විසින් මුහුදට පනින ලද ධීවරයින් පස් දෙනා බේරා ගෙන ඔවුන් පැමිණි යාත්රාවටම නංවා ගෙන ආපසු ගොස් ඇත.
නාවික හමුදාවට මේ ධීවරයින්ව අත් අඩංගුවට ගැනීමට නොහැකි වී ඇති අතර ඔවුන්ව අත් අඩංගුට ගෙන නොමැත්තේ එම මුහුදු තීරය ඔස්සේ ඉන්දීය ධීවරයින් අනාදිමත් කාලයක සිට ගමනා ගමන කටයුතු වල නිරත වන නිසා බව වාර්තා වෙයි.
ඉන්දීය ධීවර සමීති විසින් නිතර නිතර ඉන්දියාවට බලපෑම් කරමින් කියා සිටින්නේ කච්චතීව් දූපත රටවල් දෙකටම අයත් දූපතක් බැවින් එම මුහුදු තීරයේ රටවල් දෙකේම ධීවරයින්ට නිදහසේ මසුන් මැරීමට අවස්ථාවක් උදා කොට දෙන ලෙසයි
