දිනසේන රතුගමගේ –
යාපනය විශ්ව විද්‍යාලයේ පලමු වසර සිසුන් පිරිසකට අමානුෂික අන්දමට නවක වධය දෙමින් සිටි විද්‍යා පීඨයේ සිසුවෙකුට නවක වධ සිද්ධිය සම්බන්ධයෙන් පරීක්ෂණ හමාර වන තුරු ශිෂ්‍යභාවය අහෝසි කිරීමටත් ඔහුට යාපනය විශ්ව විද්‍යාලයේ කිසිදු ස්ථානයකට ඇතුළු වීමත් අද ( 6 ) සිට තහනම් කොට තිබේ.
යාපනය විශ්ව විද්‍යාලයේ ජ්‍යෙෂ්ඨ සිසුන් පිරිසක් නවක සිසුන් පිරිසකට නවක වධය දෙමින් සිටින බවට විශ්ව විද්‍යාලයේ විනය පාලක මණ්ඩලයට ලැබුණු පැමිණිල්ලක් මත එම නිලධාරීන් ගොස් එක් සිසුවෙකු අල්ලාගෙන තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
පසුව මේ සම්බන්ධයෙන් යාපනය විශ්ව විද්‍යාලයේ උපකුලපතිවරයාව දැනුවත් කිරීමෙන් පසුව නවක වධ සිද්ධිය සම්බන්ධයෙන් පරීක්ෂණ පැවැත්වීම සදහා විශේෂ කමිටුවක් පත් කොට ඇති අතර එම කමිටුවේ වාර්තාව ලැබෙන තුරු අදාල සිසුවාගේ ශිෂ්‍යභාවය අහෝසි කොට ඔහුට විශ්ව විද්‍යාල භූමිය තහනම් ප්‍රදේශයක් බවට පත් කොට තිබේ.
