-
සෞඛ්ය අමාත්යාංශය විසින් වැරදි තොරතුරු රාජ්ය සේවා කොමිසමට ලබා දීලා… තවමත් සිදුකළ වංචාවල විනය පරීක්ෂණවත් ඉවර නෑ…
-
විදේශ අධ්යනය පුහුණුවකට විදෙස් ගතවන බව පවසා ඇතත් එසේ විදේශ ගත නොවී මෙරට මාස 6ට වැඩි කාලයක් රැදී සිටිිමින් වැටුප් හා දීමනා අරන්..
-
විදේශ විනිමය වංචාවක් ගැන කෙරෙන විමර්ශනයත් තවම ඉවර නෑ… මේ තැනැත්තිය ගැන සෞඛ්ය සේවා අධ්යක්ෂ ජනරාල් හොඳටම දන්න බව සෞඛ්ය ආරංචි මාර්ග කියයි….
සෞඛ්ය අමාත්යංශය මගින් අසත්ය තොරතුරු රාජ්ය සේවා කොමිසමට ලබා දීම හේතුවෙන් දූෂිත නිලධාරිණියක නියෝජ්ය අධ්යක්ෂ ජනරාල්ධූරයට උසස් කරන ලෙස රාජ්ය සේවා කොමිසම සෞඛ්ය ලේකම්වරයා වෙත දන්වා එවා ඇතැයි සෞඛ්ය අමාත්යංශ ආරංචි මාර්ග සඳහන් කරයි.
නියෝජ්ය අධ්යක්ෂ ජනරාල් තනතුර සඳහා සම්මුඛ පරික්ෂණයට ඇය පෙනී සිටි කාලයේදී ඇය විනය විරෝධී කටයුතු ගණනාවක්ම සිදුක කර ඇති බව වත්මන් සෞඛ්ය ලේකම්වරයා පවා හොඳින්ම දන්නා කරුණක් වී ඇතැයි එම ආරංචි මාර්ග වැඩි දුරටත් පවසා සිටියි.
මෙම නිලධාරිනිය රාජ්ය සේවා කොමිෂන් සභාවේ අංක DIS/066/2021 දරන 2022.02.22 චෝදනා පත්රයේ ප්රකාරව විදේශ අධ්යනය පුහුණුවකට විදෙස් ගතවන බව පවසා ඇතත් එසේ විදේශ ගත නොවී මෙරට මාස 6ට වැඩි කාලයක් රැදී සිටිිමින් වැටුප් හා දීමනා ලබා ගෙන ඇතැයි අනාවරණය වී තිබේ.
ඊට අමතරව විදෙස් මුදල් ලෙස සිංගප්පුරු ඩොලර් 2,198 ක මුදලක් ලබාගෙන තිබීමේ චෝදනාව සම්බන්ධයෙන් සිදුකරන විනය පරීක්ෂණය මෙතෙක් අවසන් කර නොමැති බව වාර්තාවේ.
සෞඛ්ය අමාත්යංශයේ විමර්ශන අංශය පවා මෙයට සාක්ෂි දරණ බව අභ්යන්තර ආරංචි මාර්ග වැඩිදුරටත් අවධාරණය කරයි.
මෙවැනි චෝදනාවක් එල්ල වී ඇති නිලධාරිනියක් සම්බන්ධයෙන් විනය පරික්ෂණයක් සිදුකරනවා වෙනුවට එවකට සිටි සෞඛ්ය ලේකම්වරයා සියලුම චෝදනාවන්ගෙන් ඇය ලිඛිතවම නිදහස් කර ඇතැයි දැනගන්නට ඇත.
මෙම කුඨ ලේඛණ සහ දුෂිත හොර මගඩිය පිළීබදව පාර්ලිමේන්තුවේ කෝප් කමිටුවේ ද ප්රශ්න කර ඇතැයි වාර්තාවේ.
පසුගිය ජුලි මාසයේ සෞඛ්ය සේවා කමිටුව විසින් නියෝජ්ය අධ්යක්ෂ ජනරාල් තනතුරු 9 ක් පිරවීමට සහ අතිරේක ලේකම් තතුරක් පිරවීමට අයදුම්පත් කැඳවා තිබියදී ඒවා අහෝසි කිරීමට රාජ්ය සේවා කොමිසම පසුගිය සදුදා හදිසියේම තීරණය කර තිබෙන බවද වාර්තාවේ.
එම තනතුරු පිරවීම අහෝසි කළද මෙම දුෂිත නිලධාරිනිය 2021 වසරේ සිට උසස් කර අතිරේක ලේකම් තනතුරට පත්කිරීමට රාජ්ය සේවා කොමිසම කටයුතු කරමින් සිටින බව වාර්තාවේ.
ඇයට එරෙහිව පවතින විනය ක්රියා මාර්ග ගැන නැවත සොයාබලන ලෙසත්, එතෙක් මෙම පත්කිරීම සිදු නොකරන ලෙසත් සෞඛ්ය ලේකම් වෙත සෞඛ්ය අමාත්යංශයේ නිලධාරීන් පිරිසක් දැනුම් දී ඇති අතර මේ බව ජනාධිපතිවරයාට, අගමැතිවරයාට , සහ කථානායකවරයාට ද දන්වා යවා ඇතිබව වාර්තාවේ.
මීට අමතරව මෙම වංචනික ක්රියාව සම්බන්ධයෙන් වෛද්යවරුන් පිරිසක් අල්ලස් හා දුෂණ විරෝධී කොමිසන් සභාවටද පැමිණිලි කර ඇතැයි අමාත්යංශ අභ්යන්තර ආරංචි මාර්ග සඳහන් කරයි.
