රජය කටයුතු කර ඇත්තේ උසාවි නියෝගයක් මත බවත්, එම උසාවි නියෝගය රජයට හෝ බෙදුම්කරුවන්ට කැඩීමට නොහැකි බැවින් වගකීමෙන් කටයුතු කරන ලෙස සියලුම බෙදුම්කරුවන්ගෙන් කරුණාවෙන් ඉල්ලා සිටින බවත් සභානායක බිමල් රත්නායක අද පාර්ලිමේන්තුවේ දී පැවසුවේය.
උසාවි තීන්දුව ද ප්රකාශ කළ සභානායකවරයා කීවේ මේ වනවිට නිශ්චිත බෙදාහැරීම් අඛණ්ඩව සිදුවන බවය.
රජය පාර්ශවයෙන් අදහස් දක්වමින් ආණ්ඩුපක්ෂයේ ප්රධාන සංවිධායක වෛද්ය නලින්ද ජයතිස්ස පෙන්වා දුන්නේ අද දිනය පුරා ලංකා ඛණිජතෙල් නීතිගත සංස්ථාව විසින් ඇණවුම් භාරගැනීම සිදුවන බවත් පවතින තත්ත්වය සමාලෝචනය කර ඉරිදා දිනයේ ද ඇණවුම් භාර ගැනීමට කටයුතු කරන බවත්ය .
“අද දවස ඇතුළතත් ඇණවුම් භාර ගන්නව. අද හවස් වෙනකොට තත්ත්වය තක්සේරු කරලා සාමාන්යයෙන් ඉරිදා දවසේ ඇණවුම් භාරගන්නේ නෑ. ඉරිදත් අපි ඇණවුම් භාරගන්න කටයුතු කරනවා. තෙල් හිඟයක් ඇතිවන බවට සිතලා පෝලිම්වල ඉඳලා වැඩිපුර ඉන්ධන ප්රමාණයක් ගහගන්න එක ප්රශ්නයක් නෑ. තෙල් තියනවා. බෙදුම්කරුවන් තෙල් අණවුම් කරලා තියෙන්නේ. බෙදා හැරීමට සීපීසී එක කටයුතු කරනවා.
කලබල වෙන්න එපා. සංචාරක ව්යාපාරයේ ඉන්න අයටත් අනෙක් අයටත් කියන්නේ. බෙදුම්කරුවන් ඉතාම සීමිත පිරිසක් විතරයි මේ ක්රියාමාර්ගයේ නිරත වෙලා ඉන්නේ. අනිත් අය තෙල් ඇනවුම් කරලා තෙල් අරන් යනවා. ජනතාවට පෝලිම්වල ඉන්නේ නැතිව තෙල් ගහගන්න පුලුවන්.”
අනතුරුව අද දිනයේ තෙල් බෙදා හරින ආකාරය සම්බන්ධව විස්තරයක් ද සභානායක බිමල් රත්නායක පාර්ලිමේන්තුවට ඉදරිපත් කළේය.
අද දිනය වනවිට තෙල් රටපුරා බෙදා හරින්නේ කොහොමද කියලා කොහොම ඔඩ්ර්ස් ප්ලේස් වෙලා තියෙන්නේ කියලා මම කියන්නම්. සීපීසී එක හැර ආයතන 04ක් තියනවා තෙල් බෙදා හරින.
සී.පී.සී එකට ඕඩර්ස් 1869ක් ලැබිලා තියනවා. . එකෙන් 1696ක්ම ලබා දීලා තියනවා. LIOC ආයතනයෙන් 480ක් ඔඩ්ර් කළා. ඒ ඕඩර්වලින් 471ක් ඩිලිවර් කරලා තියනවා. සයිනොපෙක් ආයතන 399ක් ඕඩර් කරලා 391ක් ඩිලිවර් කරලා තියනවා. RM Parks-Shell ආයතනය 377ක් ඕඩර් කරලා තියනවා. 366ක් බෙදා හැර තියනවා.
තෙල් හිඟයක් ඇතිවෙන්න හේතුවක් නෑ. තෙල් බෙදා හැරීම් කරලා තියනවා.
අප සතුව තියනවා මේ පිළිබඳව Civil Appellate High Court එකේ දාලා තියන නඩුවේ තීන්දුව. එය හැන්සාඩ්ගත කරනවා. මේ ගත්තේ ආණ්ඩුවෙ තීරණයක් නෙමෙයි. මේක උසාවිය හැම පැත්තම දිහා බලලා ලබා දුන්න තීන්දුවක්. බෙදුම්කරුවන් ඉල්ලා සිටිය පසුගිය ආණ්ඩුවලින් පවා ගත්තු තීන්දු අත්හිටුවන්න කියලා. බැහැයි Civil Appellate High Court එක තීරණය දැනුම් දීලා තියනවා. ඒ තීරණය තුළ සඳහන් කරලා තියනවා මේ ඩීලර්සලාට වඩා අවාසි තැනක තමයි ජනතාව ඉන්නේ කියලා.
ඒ වගේම උසාවිය මේ පැමිණිල්ල දාපු කට්ටියට කියලා තියනවා ඒ ගොල්ල දාපු හැම නඩුවටම ගාස්තු ගෙවන්න කියලා. නඩු තීන්දුවට අනුව අප කටයුතු කරලා තියෙන්නේ.
ඒ ව්යාපරික මහත්වරුන්ගෙන් අපි කරුණාවෙන් ඉල්ලා සිටින්න කැමතියි අනවශ්ය ප්රශ්න දරන්න බෑ. උසාවි නියෝගයක් කඩන්න අපටත් බෑ. ඔවුන්ටත් බෑ. ඒ නිසා නඩු තීන්දුවට අනුව කටයුතු කරන්න කියන ඉල්ලීම කරනවා.
