ශ්රී ලංකා දුම්රිය දෙපාර්තමේන්තුවේ දුම්රිය එන්ජින් රියදුරු, දුම්රිය නියාමක, දුම්රිය ස්ථානාධිපති සහ දුම්රිය අධීක්ෂණ කළමනාකරු යන තනතුරු සඳහා කාන්තා නිලධාරීන් බඳවා ගැනීම සඳහා කැබිනට් අනුමැතිය හිමි වී තිබේ.
වසර 165ක පමණ දුම්රිය ඉතිහාසයේ මුල්ම වරට පිරිමි නිලධාරින්ට පමණක් සීමා වූ දුම්රිය එන්ජින් රියදුරු, දුම්රිය නියාමක, දුම්රිය ස්ථානාධිපති තනතුරු ඒ අනුව මේ ලෙස කාන්තාවන්ට විවෘත වනු ඇත.
දුම්රිය අධීක්ෂණ කළමනාකරු තනතුරු සඳහා මින් පෙර 2012 සහ 2015 වසරවල පමණක් කාන්තා නිලධාරින් බඳවාගෙන තිබිණි.
රජයේ නව ආර්ථික ප්රතිපත්ති අනුව රාජ්ය අංශයේ මෙතෙක් කාන්තාවන් බඳවා නොගත් තනතුරු සඳහා කාන්තාවන් බඳවා ගැනීමට ඉඩ ප්රස්ථාව සලසා දීමට කටයුතු කරමින් සිටින බව කැබින්ට මාධ්ය ප්රකාශක ජනමාධ්ය හා සෞඛ්ය අමාත්ය නලින්ද ජයතිස්ස අද කැබිනට් තීරණ දැනුම් දෙමින් පැවසුවේය.
ඒ අනුව, වැඩ බලන ප්රවාහන, මහා මාර්ග සහ නාගරික සංවර්ධන අමාත්යතුමා ඉදිරිපත් කළ යෝජනාව සැලකිල්ලට ගෙන, දැනට අනුමත බඳවා ගැනීම් පටිපාටිය තුළ කාන්තා නිලධාරින් බඳවා ගැනීමට ප්රතිපාදන සැලසී නොමැති බැවින්, ආණ්ඩුක්රම ව්යවස්ථාවේ 55 ව්යවස්ථාවේ (1) අනුව්යවස්ථාවේ විධිවිධාන පරිදි අමාත්ය මණ්ඩලය වෙත පැවරී ඇති බලතල අනුව දුම්රිය එන්ජින් රියදුරු, දුම්රිය නියාමක, දුම්රිය ස්ථානාධිපති සහ දුම්රිය අධීක්ෂණ කළමනාකරු යන තනතුරු වලට කාන්තා නිලධාරින් බඳවා ගැනීම පිණිස ප්රතිපත්තිමය වශයෙන් අනුමැතිය ලබා දීමට තීරණය කර ඇතැයි කැබිනට් මාධ්ය ප්රකාශකවරයා කීවේය.
