මෙරව දළදා මාළිගාවේ දියවඩන නිලමේ තෝරා ගැනීමේ නිලවරණයට ඡන්දය ලබා දීමට නියමිතව සිටින ප්රාදේශීය ලේකම්වරුන් මේ වනවිට දියවඩන නිලමේවරයාගේ නිවසට ගෙන්වා විශේෂ ප්රවේශයකින් සිරි දළදා වන්දනාවට අවස්ථාව සැලසීමට දියවඩන නිලමේවරයා කටයුතු කරමින් ඇතැයි විශ්වාසකටයුතු අභ්යන්තර ආරංචි මාර්ග හෙළි කරයි.
රටේ බලය හිමි විධායක ජනාධිපතිවරයාගේ උපදෙස් නොතකා ඇතැම් අවස්ථාවල ඊට අභියෝග කරමින් ජනතාව පෝලිම්වල දුක් විඳිද්දී දිගින් දිගටම හොරපාරේ දළදා වැන්දවීම සිදුවන ආකාරය සම්බන්ධව විශාල සංවාදයක් ඇති වී තිබිය දී එම තත්ත්වය නොසලකා හැරීමේ තත්ත්වයක් දළදා මාළිගාවේ භාරය දරන පාර්ශවය විසින් සිදුකරන ආකාරය පසුගිය දින කීපය පුරාම දක්නට ලැබිණි.
මේ වනවිට NC 2847 , NC 4768, NC 7837, ND 0101, 254/0119, PF/2814 අංක දරන රථ හයකින් පොලිස් ක්රීඩාංගනයේ සිට විශේෂ ප්රභූන් පිරිස් දළදා මන්දිරයට රැගෙන එමින් ඇත්තේ දියවඩන නිලමේවරයාගේ උපදෙස් මත බව දැනගන්නට ඇත. මෙම වාහන අංක සියලුම මුර කපොලු වෙත ලබා දී ඇති බැවින් පරීක්ෂාවකින් තොරව දිනකට බොහෝ වාරයක් විවිධ ප්රභූන් හොර පාරේ දළදා වන්දනාවට ගෙන්වා ගැනීම සඳහා කටයුතු කරමින් තිබේ.
ආණ්ඩුකාරවරයා අද උදෑසනත් අවධාරණය කර ඇත්තේ පෝලිම්වලින් පිට දෙදහසකට අධික සංඛ්යාවක් දළදා වැන්දවීමේ කටයුත්ත නැවැත්වීමට දළදා භාරකාරිත්වය විසින් නැවැත්විය යුතු බවය. මේ වනවිිට දළදා වන්දනාව වෙනුවෙන් පෝලිම්වල දුක් විඳින ජනතාව ද මේ හොර පාරෙන් දළදා වැන්දවීමේ ක්රමවේදය නිසා දැඩි කලකිරීමකට ලක් වී සිටිති.
