මින් ඉදිරියට දිනපතා අල්ලනබව කියන කුඩු ජාවාරම් කාරයින්ගේ සංඛ්යා දත්ත ඉදිරිපත් කරන්නට උත්සාහ නොකර ප්රදේශවල සිටිනා මෙතෙක් අත් අඩංගුවට නොගත් නියම මත්කුඩු ජාවාරම්කරුවන් සහ ඔවුන්ගේ මත්කුඩු ජාලය ඉලක්ක කරගෙන යුක්තිය මෙහෙයුම දියත් කරන ලෙස පළාත් භාර ජ්යේෂ්ඨ නියෝජ්ය පොලිස්පතිවරුන් සහ නියෝජ්ය පොලිස්පතිවරුන් පොලිස් ස්ථානාධිපතිවරුන්ට දැනුම් දි ඇතැයි වාර්තා වේ.
ඔවුන් පොලිස් ස්ථානාධිපතිවරුන්ට දැනුම් දී ඇත්තේ නියමිත කාලය සහිතව සැලසුම් කර නිශ්ඡිත අපරාධකරුවන් අත් අඩංගුවට ගන්නවා විනා ජනතාවගේ මූලික අයිතිවාසිකම් කඩකරමින් මත් කුඩු අතින් දමා පුද්ගලයින් වරදකරුවන් බවට පත් කර ඇතැයි යන චෝදනා මින් පසු තමතමන්ගේ කිසිම පොලිස් බල ප්රදේශයකින් වාර්තා නොවිය යුතු බවය.
ලකුණු ලබා ගැනීම සඳහා වංගු ගසනු ලබන කිසිම අනීතික පොලිස් නිලධාරියෙකු ගලවා ගැනීමට කිසිවෙක් පෙනී නොසිටින බවත් ගෞරවාන්විතව තමන්ගේ රාජකාරි නිසි අයුරින් සිදුකරන ලෙසත් දිස්ත්රික් සහ පළාත් පොලිස් ප්රධානීන් පොලිස් ස්ථානාධිපතිවරුන්ට උපදෙස් දී ඇත.
පසුගිය කාලයේ දී වැඩිම මහජන පැමිණිලි ප්රමාණයක් පොලිස් කොමිසමට ලැබී තිබුණේ නිවැරදි පුද්ගලයින්ට මත් ද්රව්ය දමා පොලිසිය විසින් අත් අඩංගුවට ගත් බවට වූ චෝදනා කරමින් බව ද වාර්තා වේ.
